ডিজিটেল ডেস্ক: সুখৰ সময়তো সুখ অনুভৱ কৰিব নোৱাৰিলে ভাৰতীয় অভিনেত্ৰী উৰ্বশী ৰৌতেলাই৷ ভাৰত-পাকিস্তানৰ মেচৰ মাজতেই মনটো গধুৰ হৈ পৰিল তেওঁৰ৷ খেল চলি থকাৰ মাজতেই উৰ্বশীয়ে হেৰুৱালে তেওঁৰ আটকীয়া সংগীত৷ সযতন হেঁপাহত আলফুলে আৱৰি-সামৰি ৰখা আইফোনটো হেৰুৱালে উৰ্বশী ৰৌতেলাই৷
নৰেন্দ্ৰ মোডী ষ্টেডিয়ামত উপস্থিত থকা হাজাৰ হাজাৰ দৰ্শকৰ ভিতৰত আছিল উৰ্বশী ৰৌতেলাও৷ সেই খেলখনত জয়লাভ কৰিছিল ভাৰতে৷ খেলখনৰ পাছত কেইবাজনো লোকে তেওঁলোকৰ সামগ্ৰী হেৰুওৱাৰ খবৰ দিছিল।
২৯ বছৰীয়া উৰ্বশী ৰৌতেলাই দাবী কৰিছিল যে খেলখনৰ সময়ত তেওঁ তেওঁৰ ‘২৪ কেৰেট ৰিয়েল গোল্ড আইফোন’ হেৰুৱাইছিল। মাইক্ৰ’ব্লগিং প্লেটফৰ্ম এক্সত শ্বেয়াৰ কৰা এটা পোষ্টত তেওঁ সহায়ৰ বাবে আবেদন জনাইছিল। অভিনেত্ৰীগৰাকীয়ে চুৰিৰ সন্দৰ্ভত দাখিল কৰা আৰক্ষীৰ অভিযোগৰ এটা প্ৰতিলিপিও শ্বেয়াৰ কৰিছিল।
তেওঁ লিখিছে, আহমেদাবাদৰ নৰেন্দ্ৰ মোডী ষ্টেডিয়ামত মোৰ ২৪ কেৰেটৰ প্ৰকৃত সোণৰ আই ফোন হেৰুৱাইছোঁ! যদি কোনোবাই এইটো হেৰাই পাইছে, অনুগ্ৰহ কৰি সহায় কৰক। এএছএপিৰ সৈতে যোগাযোগ কৰক৷
কেইঘণ্টামান পাছত ইনষ্টাগ্ৰাম ষ্ট‘ৰীজত শ্বেয়াৰ কৰা এক আপডেটত ৰৌতেলাই কৈছিল যে তেওঁ সোণৰ আইফোন ঘূৰাই অনাৰ বাবে অপেক্ষা কৰি থকাৰ সময়ত সাধাৰণ এটি ফোন ব্যৱহাৰ কৰি আছে।
অলপ পাছত তেওঁ কৈছিল যে ফোনটো শেষবাৰৰ বাবে আহমেদাবাদৰ এটা মলত অৱস্থিতি ধৰা পৰিছিল৷ শেহতীয়াকৈ ফোনটো ওভতাই পোৱাৰ বাবে পুৰস্কাৰো ঘোষণা কৰিছে উৰ্বশী ৰৌতেলাই৷
Continue Reading
