ডিজিটেল ডেস্কঃ আলিগড় মুছলিম বিশ্ববিদ্যালয়ত অঘটন। ছাৰ চৈয়দ দিৱস উপলক্ষে খাদ্য খাই খাদ্য বিষক্ৰিয়াৰ বলি হয় ৫৬ গৰাকীতকৈও অধিক ছাত্ৰ-ছাত্ৰী। খাদ্য খোৱাৰ পাছত তেওঁলোকৰ হঠাৎ বমি হয় আৰু তাৰ পিছত তেওঁলোকৰ স্বাস্থ্যৰ অৱনতি ঘটিবলৈ ধৰে। ছাত্ৰ-ছাত্ৰীসকলৰ স্বাস্থ্যৰ অৱনতি ঘটা দেখি এ এম ইউ প্ৰশাসনে লগে লগে ছাত্ৰ-ছাত্ৰীসকলক চিকিৎসাৰ বাবে জৱাহৰলাল নেহৰু মেডিকেলত ভৰ্তি কৰায়। চিকিৎসাধীন হৈ থকাৰ সময়ত এই ঘটনা সন্দৰ্ভত এতিয়ালৈকে কোনো এএমইউৰ বিষয়াৰ কোনো বিবৃতি ওলোৱা নাই।
ফুড পইজনিঙৰ বলি হোৱা ছাত্ৰীসকলে ছাৰ চৈয়দ দিৱস উদযাপনত অংশ লৈ তেওঁলোকৰ হলত খাদ্য খোৱা বুলি জানিবলৈ দিয়ে। খাদ্য খোৱাৰ কিছু সময়ৰ পাছতে ছাত্ৰীসকলৰ বমি হ’বলৈ ধৰে আৰু তেওঁলোকৰ স্বাস্থ্যৰ অৱস্থা বেয়া হ’বলৈ ধৰিলে। বৰ্তমান সকলো ছাত্ৰীক চিকিৎসাৰ বাবে জে এন মেডিকেলত ভৰ্তি কৰা হৈছে আৰু তেওঁলোক ইয়াত চিকিৎসাধীন হৈ আছে।
এই সন্দৰ্ভত আলিগড় মুছলিম বিশ্ববিদ্যালয়ৰ পি আৰ অ’ উমৰ পিৰজাদাই কয় যে এ এম ইউ এখন আৱাসিক বিশ্ববিদ্যালয় আৰু মঙলবাৰে এটা ডাঙৰ উৎসৱ ছাৰ চৈয়দ দিৱস পালন কৰা হৈছিল। এই সময়ছোৱাত প্ৰতিটো হলত পৰম্পৰাগত ৰাতিৰ আহাৰ গ্ৰহণৰ আয়োজন কৰা হৈছিল। ৰাতিৰ আহাৰ খোৱাৰ পিছত আজিজুল হলৰ একাংশ ছাত্ৰীয়ে খাদ্য খোৱাৰ পিছত কিছু সমস্যাৰ সন্মুখীন হোৱা বুলি অভিযোগ কৰে।
তেওঁ জনোৱা মতে, তথ্য পোহৰলৈ অহাৰ লগে লগে তাত থকা প্ৰশাসনে তাৎক্ষণিকভাৱে সচেতন হৈ ছাত্ৰীকেইগৰাকীক প্ৰাথমিক চিকিৎসাৰ বাবে জে এন মেডিকেল কলেজলৈ প্ৰেৰণ কৰে। বিশ্ববিদ্যালয়খনৰ উপাচাৰ্য, ডি এছ ডব্লিউ আৰু অন্যান্য সদস্যসকলে জে এন মেডিকেল কলেজত উপস্থিত হৈ পৰিস্থিতিৰ বুজ লয়। এই সন্দৰ্ভত তদন্তৰ বাবে তিনিজনীয়া সমিতি গঠন কৰা হৈছে।
Continue Reading
