ডিজিটেল ডেস্কঃ অধিনায়কত্ব এৰি কেৱল ক্ৰিকেটাৰ হিচাপে খেলিছে মহেন্দ্ৰ সিং ধোনীয়ে। আনহাতে গৌতম গম্ভীৰ হৈছে কেকেআৰৰ গুৰু।
শেহতীয়াকৈ সম্প্ৰচাৰ চেনেল এটাত কেকেআৰৰ অধিনায়ক হিচাপে থকা সময়ছোৱাত ধোনিৰ সৈতে হোৱা যুঁজৰ বিষয়ে গম্ভীয়ে কয়।
তেওঁ কয়, ‘মই জয়ী হ’ব বিচাৰিছিলো। মোৰ পৰিকল্পনা স্পষ্ট আছিল। বন্ধুত্ব, সন্মান থাকিব। কিন্তু খেলপথাৰত ভৰি দিলে মই কে কে আৰৰ অধিনায়ক আৰু ধোনী চেন্নাইৰ। ধোনীক সুধিলে চাগে তেওঁ একেই উত্তৰ দিব। কাৰণ, তেওঁ ভাৰতৰ সফল অধিনায়ক। আইচিচিৰ তিনিটা ট্ৰফী লাভ কৰে।"
আই পি এলত ধোনীৰ সৈতে যুঁজিছিল বুলি গম্ভীয়ে কয়। তেওঁৰ ভাষাত, “ধোনিৰ মগজু বৰ শক্তিশালী। গতিকে তেওঁৰ লগত কাজিয়া কৰি ভাল পাইছিলোঁ। তেওঁৰ পৰিকল্পনা বৰ ভাল আছিল। স্পিনাৰসকলে খেলা ধৰণটো আন অধিনায়কৰ বাবে কঠিন। ধোনিৰ ফিল্ডিংও বাকীবোৰতকৈ পৃথক আছিল।"
গম্ভিৰে কয় যে তেওঁ বেটছমেন ধোনীক যথেষ্ট গুৰুত্ব দিছিল। কে কে আৰৰ গুৰুজনে কয় যে আমি জানিছিলোঁ যে ধোনীয়ে ৬, ৭, ৮ ৰানত বেটিং কৰিবলৈ য’তেই আহে তাতেই পুনৰ আহি মেচখন জয়ী হ’ব পাৰে। শেষৰ অভাৰত ২০ ৰানৰ প্ৰয়োজন হ’লেও ধোণীয়ে খেলখনত জয়ী হ’ব পাৰিলেহেঁতেন। গতিকে তেওঁৰ বিৰুদ্ধে খেলিও ভাল পাইছিলোঁ। ধোনী হয়তো মোৰ দৰে আক্ৰমণাত্মক নাছিল, কিন্তু তেওঁ কেতিয়াও হাৰ নামানিল। গতিকে যুঁজখন আৰু কঠিন হ’লহেঁতেন।”
Continue Reading
