আজি অসমলৈ বিজেপিৰ ৰাষ্ট্রীয় অধ্যক্ষ জে পি নড্ডা

গুৱাহাটী : নিৰ্বাচনৰ দিন চমু চাপি অহাৰ লগে লগে আগমন ঘটিছে বিজেপিৰ ষ্টাৰ কেম্পেইনাৰসকলৰ৷ আজি অসমলৈ নিৰ্বাচনী প্ৰচাৰৰ বাবে আহিব বিজেপিৰ ৰাষ্ট্রীয় অধ্যক্ষ জে পি নড্ডা৷ বিজেপি মিত্ৰজোঁটৰ প্ৰাৰ্থীৰ হৈ তিনিখন জনসভাত প্ৰচাৰ চলাবলৈ আজি আহিব নড্ডা৷

আৰু পঢ়িব পাৰিব : তুষাৰপাতে প্ৰাণ কাঢ়িলে অসমৰ বীৰ জোৱানৰ !

দিনৰ ১ বজাত ঢকুৱাখনাৰ বিজেপিৰ নিৰ্বাচনী প্ৰচাৰ সভাত অংশ ল’ব৷ ইয়াৰ উপৰি বিয়লি ৩.৩০ বজাত অংশ ল’ব চতিয়াৰ জনসভাত৷ বৰচলাৰ বৰভাগিয়াত বিয়লি ৫ বজাত অনুষ্ঠিত হ’ব লগা জনসভাত ভাগ ল’ব বিজেপিৰ ৰাষ্ট্রীয় অধ্যক্ষগৰাকীয়ে৷

আৰু পঢ়িব পাৰিব : দিছপুৰ, পূব গুৱাহাটী সামৰি বিজেপিৰ তৃতীয় প্ৰাৰ্থী তালিকা

ইপিনে বিগত সপ্তাহত গৃহমন্ত্ৰী অমিত শ্বাহ, স্মৃতি ইৰানীকে ধৰি বহু শীৰ্ষ নেতৃত্বই নিৰ্বাচনী প্ৰচাৰ চলাইছে৷ বিজেপিয়ে পুনৰ চৰকাৰ গঠন কৰাৰ স্বাৰ্থত সঘনাই নিৰ্বাচনী প্ৰচাৰত অংশ লৈছে প্ৰধানমন্ত্ৰী নৰেন্দ্ৰ মোদীয়েও৷