আমাৰ উপৰিপুৰুষে দিৱালীত ফটকা ফুটোৱা নাছিল! ফটকা নিষিদ্ধকৰণৰ সমৰ্থনত ভাষ্য আগবঢ়ালে দিল্লীৰ পৰিৱেশ মন্ত্ৰীয়ে

ডিজিটেল ডেস্কঃ দিল্লী চৰকাৰে দিৱালীৰ ফটকা নিষিদ্ধ কৰাৰ পাছতে সমগ্ৰ বিষয়টোক লৈ উত্তাল হৈ আছে দেশৰ ৰাজধানী। বিজেপিয়ে দিল্লীৰ আপ চৰকাৰক এইক্ষেত্ৰত তীব্ৰ সমালোচনা কৰি আহিছে।

তাৰমাজতে দিল্লী চৰকাৰৰ পৰিৱেশ মন্ত্ৰী গোপাল ৰায়ে দেওবাৰে ফটকা নিষিদ্ধকৰণৰ সমৰ্থনত বক্তব্য আগবঢ়াইছে। ৰায়ে কয় যে ইয়াৰ দ্বাৰা আপ চৰকাৰে ৰাজনীতি কৰা নাই, বৰঞ্চ মানুহৰ জীৱন ৰক্ষাত অগ্ৰাধিকাৰ দিছে।

সাংবাদিকৰ আগত তেওঁ কয় যে প্ৰতি বছৰে দিল্লীৰ প্ৰদূষণ শীতকালত বৃদ্ধি হৈ আহিছে। সেয়ে তেওঁ দিল্লীবাসীক ফটকা নুফুটাবলৈও অনুৰোধ কৰে।

“আমাৰ উপৰিপুৰুষসকলে যেতিয়া দিৱালী পালন কৰিছিল, তেতিয়া ফটকা-আতচবাজী ফুটোৱা নাছিল।”- ৰায়ে কয়- “সকলো ধৰ্মৰে মূল লক্ষ্য হৈছে মানুহৰ জীৱনক নিৰাপত্তা কৰা।”

উল্লেখ্য যে দিল্লীক বিশ্বৰ ভিতৰতে এখন প্ৰদূষিত চহৰ হিচাপে চিহ্নিত কৰা হয়। এই প্ৰসংগ উত্থাপন কৰি ৰায়ে কয় যে দিল্লীক প্ৰদূষণৰ পৰা উপশম কৰিবলৈ আপ চৰকাৰে কাম কৰি আহিছে।

সেই অনুসৰি দিৱালীত ফটকা-বোমা নিষিদ্ধ কৰা হৈছে। ফটকা বিক্ৰীৰ শাস্তি হিচাপে নগদ ৫০০০ হেজাৰ টকাৰ জৰিমণা অথবা তিনি বছৰৰ কাৰাবাসৰ ব্যৱস্থা কৰা হৈছে।

আনহাতে, ফটকা ফুটোৱাৰ শাস্তি হিচাপে ভাৰতীয় দণ্ডবিধি আইনৰ ২৬৮ ধাৰা অনুসৰি নগদ ২০০ টকা জৰিমণা অথবা ছমাহৰ কাৰাবাসৰ ব্যৱস্থআ কৰা হৈছে।