১৯ নম্বৰৰ সৈতে আচৰিত সংযোগ মেছি আৰু য়ামালৰ

ডিজিটেল ডেস্ক: লিঅ'নেল মেছি আৰু লামিন য়ামাল— ফুটবল বিশ্বৰ দুই ভিন্ন প্ৰজন্মৰ যাদুকৰ। বৰ্তমান ফুটবল প্ৰেমীৰ মাজত আটাইতকৈ চৰ্চা হৈছে এটা সংখ্যাক লৈ। সেই সংখ্যাটোৰ সৈতে দুয়োগৰাকী ফুটবল তাৰকাৰ আছে আচৰিত সংযোগ। সকলোৰে আকৰ্ষণৰ কেন্দ্ৰবিন্দু হৈ থকা সেই বিশেষ সংখ্যাটো হৈছে— ‘১৯’।

প্ৰকৃতিৰ কি অপূৰ্ব খেল! ফুটবলৰ ঈশ্বৰ হিচাপে পৰিগণিত লিঅ’নেল মেছি আৰু স্পেইনৰ নতুন তাৰকা লামিন য়ামালৰ মাজত গঢ়ি উঠিছে ১৯ নম্বৰৰ এক আকৰ্ষণীয় আখ্যান।

১৯ নম্বৰৰ সেই অলৌকিক সংযোগসমূহ:

জাৰ্ছীৰ সাদৃশ্য: আজি বিশ্বই মেছিক ১০ নম্বৰ জাৰ্ছীৰে চিনি পালেও, বাৰ্চিলোনা আৰু আৰ্জেণ্টিনা দলত তেওঁৰ কেৰিয়াৰৰ সোণালী আৰম্ভণি হৈছিল ১৯ নম্বৰ জাৰ্ছী পিন্ধিয়েই। আচৰিতভাৱে, বৰ্তমান ইউৰো কাপ কঁপাই অহা স্পেইনৰ কাইলৈৰ ভৱিষ্যত য়ামালৰ জাৰ্ছী নম্বৰো হৈছে ১৯।

বয়সৰ ব্যৱধান: দুই তাৰকাৰ বয়সৰ মাজতো আছে ঠিক ১৯ বছৰৰ পাৰ্থক্য। মেছিৰ জন্ম হৈছিল ১৯৮৭ চনত আৰু ঠিক ১৯ বছৰৰ পিছত, অৰ্থাৎ ২০০৭ চনত জন্ম হয় য়ামালৰ।

ফাইনেলৰ তাৰিখ: কেৱল জল্পনা-কল্পনাতেই নহয়, ফুটবলৰ মজিয়াতো এই ১৯ সংখ্যাটোৱে বিশেষ স্থান লৈছে। কাৰণ, আৰ্জেণ্টিনা আৰু স্পেইনৰ মাজত হ’বলগীয়া বহুল প্ৰত্যাশিত খিতাপ যুঁজখনো অনুষ্ঠিত হ’ব চলিত মাহৰ ১৯ জুলাইত।

বিশ্বকাপ আৰু ১৯: ইমানতে অন্ত পৰা নাই এই সংযোগ। বৰ্তমান ফুটবল বিশ্বক চমকিত কৰা য়ামালৰ বয়সো বৰ্তমান ১৯ বছৰ, যি সময়ত তেওঁ নিজৰ জীৱনৰ প্ৰথমখন বিশ্বকাপ খেলাৰ বাবে সাজু হৈছে।

কাকতালীয় হ’লেও, দুই প্ৰজন্মৰ দুই মহাতাৰকাৰ মাজত ১৯ নম্বৰৰ এই সাংখ্যিক মিলনে এতিয়া সমগ্ৰ বিশ্বৰ ফুটবল অনুৰাগীক আচৰিত কৰি তুলিছে। ইয়াক কেৱল এটা সংখ্যা বুলি এৰাই চলিব নোৱাৰি, এয়া যেন ফুটবলৰ ইতিহাসত লিপিবদ্ধ হ’বলগীয়া এক সুন্দৰ মহাকাব্য।