আমগুৰিত কেশৱ গগৈ নামৰ এজন লোকক প্ৰাণঘাটী আক্ৰমণ বহিৰাগত জাহাঙ্গীৰ আলম আৰু ৱাজিদ গুজ্জৰ নামৰ দুজন লোকৰ

ডিজিটেল ডেস্ক: আমগুৰিত পুনৰ সংঘটিত বহিৰাগতৰ দ্বাৰা খিলঞ্জীয়া লোকৰ আক্ৰমণৰ ঘটনা। আমগুৰিৰ লাহদৈগড় মিচিং গাঁৱৰ সমীপৰ এখন ধাবাত সংঘটিত হয় এই ঘটনা।

হালোৱাটিং জকাই পদুলী গাঁৱৰ নিৱাসী কেশৱ গগৈ নামৰ লোকজনক বহিৰাগত জাহাঙ্গীৰ আলম আৰু ৱাজিদ গুজ্জৰ নামৰ দুটা অভিযুক্ত‌ই আক্ৰমণ কৰে।

অভিযুক্ত দুটাই কেশৱ গগৈক পিছফালৰ পৰা কাঁচৰ বটলেৰে মূৰত আক্ৰমণ কৰাৰ ওপৰিও মুখমণ্ডলৰ লগতে সমগ্ৰ শৰীৰত উপৰ্যুপৰি আক্ৰমণ কৰে।

আক্ৰমণৰ ফলত কেশৱ গগৈৰ সমগ্ৰ শৰীৰৰ বিভিন্ন স্থানত আঘাত পোৱাৰ লগতে বাওঁ ভৰিৰ আঁঠুৰ ঘিলা ভাঙি যায়। 

স্থানীয় ৰাইজৰ সহযোগত হালোৱাটিং আৰক্ষীয়ে দুই অভিযুক্ত জাহাঙ্গীৰ আলম আৰু ৱাজিদ গুজ্জৰক আটক কৰাৰ লগতে কেশৱ গগৈক উদ্ধাৰ কৰি চিকিৎসালয়লৈ প্ৰেৰণ কৰে।

পৰিয়ালৰ লোকৰ পৰা জানিব পৰা মতে কেশৱ গগৈৰ অৱস্থা সংকটজনক।

ইতিমধ্যে হালোৱাটিং আৰক্ষীয়ে দুই অভিযুক্তক গোচৰ নং ৬/২৬ অধীনত গ্ৰেপ্তাৰ কৰি জেল হাজোতলৈ প্ৰেৰণ কৰিছে।

টাইপা, আটাছু আৰু বীৰ লাচিত সেনাৰ দ্বাৰা সমগ্ৰ ঘটনাৰ গৰিহণা দিয়াৰ লগতে দোষীক দৃষ্টান্তমূলক শাস্তি দিয়াৰ দাবী জনায়।