ডিজিটেল ডেস্কঃ আন্তঃৰাষ্ট্ৰীয় ক্ৰিকেটত ১৫ বছৰ অতিক্ৰম কৰিলে ৰোহিত শৰ্মাই। বৃহস্পতিবাৰে এটা আৱেগিক টুইট পোষ্ট হিটমেন ৰোহিতে। টীম ইণ্ডিয়াৰ অধিনায়কৰ এই পোষ্টটো বৰ্তমান ছ’চিয়েল মিডিয়াত ভাইৰেল হৈ পৰিছে।
ৰোহিতে লিখিছে, ‘ভাৰতৰ হৈ আত্মপ্ৰকাশ কৰাৰ পিছত আজি মই আন্তঃৰাষ্ট্ৰীয় ক্ৰিকেটত ১৫ বছৰ সম্পূৰ্ণ কৰিম। এই যাত্ৰাক মই গোটেই জীৱন লালন কৰিম। মোৰ এই যাত্ৰাত অংশগ্ৰহণ কৰা আৰু আজিৰ খেলুৱৈ হোৱাত সহায় কৰা সকলোকে মই ধন্যবাদ জনাইছো। তেওঁলোকক বিশেষ ধন্যবাদ। সকলো ক্ৰিকেট অনুৰাগী, সমালোচকৰ মৰম আৰু সমৰ্থনেই আমাক অনিবাৰ্যভাৱে বহু বাধা অতিক্ৰম কৰাত সহায় কৰে।’
আজিৰ দিনটোতে ভাৰতীয় দলটোৱে লেইচেষ্টাৰৰ বিৰুদ্ধে চাৰিদিনীয়া ৱাৰ্ম আপ মেচত অৱতীৰ্ণ হ’ব। ইংলেণ্ডৰ বিৰুদ্ধে শৃংখলাৰ পঞ্চমখন টেষ্ট ১ জুলাইৰ পৰা আৰম্ভ হ’ব। প্ৰথমবাৰৰ বাবে বিদেশৰ মাটিত দলত নেতৃত্ব দিব ৰোহিত শৰ্মাই।
Continue Reading
