ডিজিটেল ডেস্কঃ মঙলবাৰে অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছে বাংলাদেশৰ সংখ্যালঘু জনগোষ্ঠীৰ প্ৰতিনিধিৰ সৈতে সাক্ষাৎ কৰে। তেওঁ ক'লে, "ধৈৰ্য্য ধৰক। চৰকাৰৰ ওপৰত বিশ্বাস হেৰুৱাব নালাগে। ধৈৰ্য্য ধৰি চাওক চৰকাৰে কি কৰিব পাৰে। আমি যদি ভুল কৰো তেন্তে আপুনি নিশ্চয় সমালোচনা কৰিব, কিন্তু আমি প্ৰথমে কিবা এটা কৰোঁ!''
মঙলবাৰে ঢকেশ্বৰী মন্দিৰ পৰিদৰ্শন কৰি ইউনুছে কয় যে দেশত মানৱ অধিকাৰ আৰু বাক স্বাধীনতা সুনিশ্চিত হ’ব লাগিব। এই পৰিস্থিতিত এইটোৱেই আমাৰ মূল লক্ষ্য৷ সকলো পৰিচয়ৰ ওপৰত উঠি নিজকে মানুহ বুলি ভাবিব। নিজকে দেশৰ সন্তান বুলি গণ্য কৰক। এইবোৰ আপোনাৰ সাংবিধানিক অধিকাৰ, যিটো আমি নিশ্চিত কৰিম।''
সংখ্যালঘু জনগোষ্ঠীৰ প্ৰতিনিধি হিচাপে উপস্থিত থাকে পূজা উদজাকাৰ পৰিষদৰ সভাপতি বাসুদেৱ ধৰ আৰু সাধাৰণ সম্পাদক সন্তোষ শৰ্মা। ৰাজহুৱা পূজা সমিতিৰ হৈ জয়ন্তকুমাৰ দেৱ আৰু তপশচন্দ্ৰ পাল। ইয়াৰ বাহিৰেও হিন্দু-বৌদ্ধ-খ্ৰীষ্টান ঐক্য সভাৰ হৈ কাজল দেৱনাথ আৰু মনিন্দ্ৰকুমাৰ নাথ আছিল। অনুমান কৰা হৈছে যে সংখ্যালঘু সম্প্ৰদায়ৰ প্ৰতিনিধিয়ে ইউনুছৰ আগত আঠ দফা দাবী দাখিল কৰিছিল। এই দাবীসমূহৰ ভিতৰত আক্ৰমণৰ লগত জড়িত লোকসকলক চিনাক্ত কৰি আইনী ব্যৱস্থা গ্ৰহণ, সংখ্যালঘুৰ বাবে সুকীয়া মন্ত্ৰালয় গঠন ইত্যাদি।
সোমবাৰে আবুল ফৈজ মহম্মদ খালিদ হোছেইনে কয় যে মঙলবাৰে ইউনুছে দেশৰ সংখ্যালঘু জনগোষ্ঠীৰ নেতাসকলৰ সৈতে বৈঠকত মিলিত হ’ব। খালিদে লগতে কয়, ‘সংখ্যালঘু লোকক আক্ৰমণ কৰা সকল দুস্কৃতিকাৰী। সকলোকে আইনৰ অধীনলৈ অনা হ’ব। বাংলাদেশৰ বৰ্তমানৰ অন্তৱৰ্তীকালীন চৰকাৰে সাম্প্ৰদায়িক সম্প্ৰীতিত বিশ্বাস কৰে আৰু সংখ্যালঘুৰ ওপৰত হোৱা আক্ৰমণক তীব্ৰ গৰিহণা দিয়ে।'' সংখ্যালঘুৰ ঘৰত আক্ৰমণৰ খবৰ দিবলৈ হটলাইন আৰম্ভ কৰা হ’ব বুলি খালিদে কয়।
Continue Reading
