ডিজিটেল ডেস্ক: যি সকল ব্যক্তিৰ শৰীৰত হিমোগ্লবিনৰ পৰিমাণ কম সেইসকল লোক বহু সময় শুই থাকিব পাৰে৷ উপযুক্ত পৰিমাণে হিমোগ্লবিন নাথাকিলে মানুহ মানসিক অৱসাদত ভোগে৷ এই ৰোগ নিৰাময়ৰ বাবে কি কি খোৱা উচিত জানো আহক -
১/ ভিটামিন চি যুক্ত ফল : শৰীৰত ভিটামিন চি কম পৰিমাণে থাকিলে শৰীৰে সঠিক পৰিমাণে আয়ৰণ গ্ৰহণ কৰিব নোৱাৰে৷ সেয়েহে নিয়মিতভাৱে ফল-মূল খাব লাগে যাতে শৰীৰত উপযুক্ত পৰিমাণে ভিটামিন চি মজুত হৈ থাকে৷ আম, আপেল, আমলখি, নেমু আদিত যথেষ্ট ভিটামিন চি পোৱা যায়৷
২/ শাক-পাচলি : শাক-পাচলিয়েও শৰীৰত আয়ৰণৰ অভাৱ পূৰণ কৰিব পাৰে৷ বিটত যথেষ্ট হিমোগ্লবিন পোৱা যায়৷ বিলাহী,ৰঙালাও, ব্ৰ’কলি, পালেং আদিত যথেষ্ট আয়ৰণ থাকে৷ এই সমূহ শাক-পাচলি খালে ৰক্তহীনতাৰ পৰা মুক্তি পাব পাৰি৷
৩/ সামুদ্ৰিক মাছ : সামুদ্ৰিক মাছত যথেষ্ট আয়ৰণ থাকে৷ যি সকলে ৰক্তহীনতাত ভূগিছে তেওঁলোকে এনে মাছ খোৱা উচিত৷ তেওঁলোকে টুনা বা আন সৰু সামুদ্ৰিক মাছো খাব পাৰে,
৪/ শুকান ফল : কেঁচা ফলমূলৰ উপৰিও শুকান ফলমূলেও হিমোগ্লবিনৰ পৰিমাণ বৃদ্ধিত সহায় কৰে৷ কিসমিস , কাজু, খেজুৰত যথেষ্ট আয়ৰণ থাকে৷
৫/ তিল : তিলত যথেষ্ট মাত্ৰা আয়ৰণ , কপাৰ, ফ’লিক এচিড, আৰু বহুতো খনিজ উপাদান থাকে৷ এই উপাদান সমূহে ৰক্তহীনতাৰ পৰা মুক্তি পোৱাত সহায় কৰে৷
৬/ ডাৰ্ক চ’কলেট : ডাৰ্ক চ’কলেটে ৰক্তহীনতাৰ পৰা মুক্তি পোৱাত সহায় কৰে৷মিল্ক চ’কলেট বেছিকৈ খালে শৰীৰত শৰ্কৰা বৃদ্ধি হোৱাৰ আশংকা থাকে৷কিন্তু ডাৰ্ক চ’কলেট খালে তেনে কোনো সমস্যা নাই৷ বৰঞ্চ এটা ডাৰ্ক চ’কলেটে কমাব পাৰে বহুকেইটা সমস্যা৷
Continue Reading
