ৰাষ্ট্ৰপতিক অপমান কৰিছে কংগ্ৰেছে, এতিয়া ক্ষমা খোজক

ডিজিটেল ডেস্ক : নতুন দিল্লীত বিজেপি মুখ্য কাৰ্যালয়ত কেন্দ্ৰীয় মন্ত্ৰী সৰ্বানন্দ সোণোৱাল আৰু কিৰেণ ৰিজিজুৰ সংবাদমেল। উপস্থিত আন কেইবাগৰাকীও কেন্দ্ৰীয় ৰাজ্যিক মন্ত্ৰী ৰামেশ্বৰ তেলী আৰু বহুকেইগৰাকী সাংসদ।

 আমি সকলো আদিবাসী, আজি দুখী মনৰে আহিছো। যি কথা আজি হ'ব নালাগিছিল, লোকসভাত কংগ্ৰেছৰ নেতা অধীৰ ৰঞ্জন চৌধুৰীয়ে ৰাষ্ট্ৰপতিক কৰা মন্তব্য অশোভনীয় তথা দুখজনক। আদিবাসী মহিলা এগৰাকী নিৰ্বাচিত হোৱাৰ পাছতো কৰি থকা মন্তব্য অসংবিধানিক। অধীৰ ৰঞ্জন চৌধুৰীয়ে কৰা মন্তব্যৰ বাবে কংগ্ৰেছ দল, ছোনিয়া গান্ধীয়ে ক্ষমা বিচাৰিব লাগে।

 এই বিষয়টোৰ পৰা আঁতৰিব নালাগে, কংগ্ৰেছৰ এই টিপ্পনি মানি ল’ব নোৱাৰি বুলি কয় কিৰেণ ৰিজিজুৱে। ৰাষ্ট্ৰপতি পদৰ এয়া অপমান, এয়া আদিবাসী মহিলাৰ অপমান, এয়া সমগ্ৰ দেশৰেই অপমান। আজি কংগ্ৰেছৰ বক্তব্যই দেশৰ জনজাতিৰ প্ৰতি থকা প্ৰকৃত ছবিখন দাঙি ধৰিলে। কংগ্ৰেছৰ এই অপৰাধৰ বাবে দেশবাসীৰ ওচৰত ক্ষমা বিচাৰিব লাগে।