ডিজিটেল ডেস্ক: অসমৰ ৰাজনৈতিক ইতিহাসত এক গুৰুত্বপূৰ্ণ অধ্যায়ৰ সূচনা কৰি আজি অনুষ্ঠিত হ’ব এন ডি এ (NDA) চৰকাৰৰ শপতগ্ৰহণ অনুষ্ঠান ৩.০। খানাপাৰাস্থিত পশু চিকিৎসা মহাবিদ্যালয়ৰ খেলপথাৰত আয়োজিত এক বিশাল জনসভাৰ মাজত ড° হিমন্ত বিশ্ব শৰ্মাই দ্বিতীয়বাৰৰ বাবে ৰাজ্যৰ মুখ্যমন্ত্ৰী হিচাপে শপত গ্ৰহণ কৰিব।
মুখ্যমন্ত্ৰীৰ সৈতে আজি আন চাৰিগৰাকী জ্যেষ্ঠ নেতাই মন্ত্ৰী হিচাপে শপত গ্ৰহণ কৰিব। তেওঁলোক হ’ল: অজন্তা নেওগ, অতুল বৰা, চৰণ বড়ো আৰু ৰামেশ্বৰ তেলী।
খানাপাৰাৰ এই বৰ্ণিল অনুষ্ঠানত ৰাষ্ট্ৰীয় পৰ্যায়ৰ বহু শীৰ্ষনেতাই অংশগ্ৰহণ কৰিব:
কেন্দ্ৰীয় নেতৃত্ব: প্ৰধানমন্ত্ৰী নৰেন্দ্ৰ মোদী, কেন্দ্ৰীয় গৃহমন্ত্ৰী অমিত শ্বাহ আৰু প্ৰতিৰক্ষা মন্ত্ৰী ৰাজনাথ সিং।
ৰাজ্যিক প্ৰতিনিধি: দেশৰ ২১ খন ৰাজ্যৰ মুখ্যমন্ত্ৰী আৰু উপ-মুখ্যমন্ত্ৰীসকল।
অন্যান্য বিশেষ অতিথি: কেইবাখনো দেশৰ ৰাষ্ট্ৰদূত, দেশৰ আগশাৰীৰ উদ্যোগপতি, বিভিন্ন সত্ৰৰ সত্ৰাধিকাৰ তথা আধ্যাত্মিক গুৰুসকল।
ব্যৱস্থাপনা আৰু জনসমাগম
প্ৰশাসনে জনোৱা অনুসৰি, এই শপতগ্ৰহণ অনুষ্ঠানত অংশ ল’বলৈ প্ৰায় এক লাখৰো অধিক লোকৰ সমাগম ঘটিব। খানাপাৰাৰ খেলপথাৰত ইয়াৰ বাবে ব্যাপক প্ৰস্তুতি সম্পূৰ্ণ কৰি তোলা হৈছে।
এক নব্য যাত্ৰাৰ আৰম্ভণি: এন ডি এ চৰকাৰৰ এই তৃতীয়টো কাৰ্যকালত অসমৰ উন্নয়নৰ ধাৰা অধিক ত্বৰান্বিত হ’ব বুলি আশা কৰা হৈছে। ড° শৰ্মাৰ নেতৃত্বত গঠন হ’বলগীয়া এই নতুন চৰকাৰখনে ৰাজ্যখনৰ জনসাধাৰণৰ আশা-আকাংক্ষাক কিদৰে পূৰণ কৰে, সেয়া হ’ব লক্ষ্যণীয়।
Continue Reading
