ডিজিটেল ডেস্কঃ এটা আতচবাজী কাৰখানাত ভয়ংকৰ বিস্ফোৰণ। ইয়াৰ ফলত ৭ জন মৃত্যুমুখত পৰে।
উত্তৰ প্ৰদেশৰ কৌশাম্বী জিলাৰ এটা আতচবাজী কাৰখানাত সংঘটিত বিস্ফোৰণত৭ জন লোক নিহত হয়। এই ঘটনাত আৰু ৭ জন লোক গুৰুতৰভাৱে আহত হয়।
দেওবাৰে দুপৰীয়া ১২ বজাত সংঘটিত হয় এই ভয়ংকৰ বিস্ফোৰণ। ১০ খন অগ্নিনিৰ্বাপক বাহিনীৰ তৎপৰতাত এই জুই নিৰ্বাপন কৰা হয়।
জানিব পৰা মতে, কৌশাম্বীৰ মহেভা গাঁৱত সংঘটিত হয় এই বিস্ফোৰণ। বিস্ফোৰণৰ তীব্ৰতা ইমানেই বেছি আছিল যে এক কিলোমিটাৰ দূৰত্বৰ পৰাও এই বিস্ফোৰণৰ শব্দ শুনা গৈছিল।
আৰক্ষীৰ সূত্ৰ অনুসৰি কাৰখানাটোত প্ৰায় ১৮ জন লোক কৰ্মৰত আছিল। এই বিস্ফোৰণত মৃত্যু হয় কাৰখানাটোৰ মালিক ৩৫ বছৰীয়া শ্বাহিদৰ।
আৰক্ষীৰ সূত্ৰই লগতে জনাইছে যে এই কাৰখানাটো বৈধ আৰু এই কাৰখানাৰ বাবে স্থানীয় প্ৰশাসনৰ পৰা সকলো ধৰণৰ অনুমতি লোৱা হৈছিল।
শোক প্ৰকাশ কৰিছে ৰাজ্যৰ মুখ্যমন্ত্ৰী যোগী আদিত্যনাথে।
Continue Reading
