ডিজিটেল ডেস্কঃ উত্তৰ প্ৰদেশৰ প্ৰয়াগৰাজত শনিবাৰে গভীৰ নিশা গেংষ্টাৰৰ পৰা ৰাজনীতিবিদলৈ পৰিণত হোৱা আতিক আহমেদ আৰু তেওঁৰ ভাতৃ আশ্ৰফক গুলীয়াই হত্যা কৰা হয়। ২০০৫ চনৰ বিএছপি বিধায়ক ৰাজু পালৰ হত্যাকাণ্ডৰ সাক্ষী উমেশ পালৰ হত্যাকে ধৰি কেইবাটাও অপৰাধত আতিক আৰু আশ্ৰফ উত্তৰ প্ৰদেশ আৰক্ষীৰ জিম্মাত আছিল। ৰাজু পাল হত্যাকাণ্ডৰ গোচৰতো আতিক অভিযুক্ত হিচাপে চিহ্নিত হৈছিল৷
শনিবাৰে আৰক্ষীয়ে আতিক আৰু আশ্ৰফক চিকিৎসা পৰীক্ষাৰ বাবে নিয়াৰ সময়তে প্ৰয়াগৰাজত পইণ্ট ব্লেংক ৰেঞ্জত দুয়োকে গুলীয়াই হত্যা কৰে। সংবাদ মাধ্যমৰ কেমেৰাৰ সন্মুখত হত্যাকাণ্ড সংঘটিত হোৱাৰ লগতে গুলীচালনাৰ লগত জড়িত তিনিজন লোকে হাত দাঙি সেই স্থানত উপস্থিত থকা আৰক্ষীৰ ওচৰত আত্মসমৰ্পণ কৰা দেখা গৈছে।
নিৰাপত্তাৰক্ষীৰ ভুলৰ বাবে প্ৰশ্ন উত্থাপন হৈছে যাৰ ফলত এই যুটিটোক হত্যা কৰা হৈছে।
আতিক আহমেদ আৰু আশ্ৰফৰ হত্যাকাণ্ডৰ লগত জড়িত তিনিওটা হত্যাকাৰীক লগে লগে ইউ পি আৰক্ষীয়ে আটক কৰাৰ বিপৰীতে এজন আৰক্ষী কনিষ্টবল মান সিং সামান্য আ্ঘাতপ্ৰাপ্ত হয়।
হত্যাাকাৰী তিনিজন ক্ৰমে লাভলেশ তিৱাৰী, ছানী, আৰু অৰুণ মৌৰ্য বুলি জানিব পৰা গৈছে। মিডিয়াপাৰছনৰ ৰূপ লৈ শ্বুটাৰসকলে মিডিয়া আইডি কাৰ্ড লৈ গৈছিল আৰু তেওঁলোকৰ মাইকত এনচিআৰ চেনেল লিখা আছিল।ইতিমধ্যে এফ এছ এলৰ দলটোৱে সেই স্থানৰ পৰা উদ্ধাৰ কৰিছে ডামি কেমেৰা।
Continue Reading
