ডিজিটেল ডেস্কঃ এটাৰ পাছত আনটো অনাকাংক্ষিত খবৰে চুই গৈছে পাকিস্তান ক্ৰিকেটক। পাক কিংকবদন্তী জহীৰ আব্বাছ আইচিইউত ভৰ্তি হোৱাৰ খবৰৰ উদ্বিগ্নতা মাৰ নাযাওঁতেই আহি পৰিছে আন এক হৃদয়বিদাৰক খবৰ।
পাকিস্তানৰ সিন্ধ প্ৰদেশত এগৰাকী যুৱ ক্ৰিকেটাৰৰ চাঞ্চল্যকৰ পদক্ষেপ এতিয়া চৰ্চিত হৈ পৰিছে সৰ্বত্ৰে। ক্ৰিকেট দলত স্থান নোপোৱা বাবে এগৰাকী পাক তৰুণ বলাৰে আত্মহত্যাৰ চেষ্টা চলোৱাৰ খবৰ আহিছে। পাক খেলুৱৈগৰাকীৰ নাম হৈছে শ্বোৱেইব।
পাকিস্তান ক্ৰিকেট ব’ৰ্ডৰ আন্তঃৰাজি্যক চেম্পিয়নশ্বিপত নিৰ্বাচিত নোহোৱাত হাতৰ শিৰ কাটে শ্বোৱেইবে। সম্প্ৰতি তেওঁৰ অৱস্থা সংকটজনক বুলি জানিবলৈ পোৱা গৈছে। শ্বোৱেইব পৰিয়ালে সদৰী কৰা মতে, মানসিকভাৱে ভাগি পৰিছিল তেওঁলোকৰ পুত্ৰ। এক বিবৃতিত শ্বোৱেইবৰ পৰিয়ালে কয় , ‘বাথৰুমত অচেতন অৱস্থাত তেওঁক দেখা পাওঁ। লগে লগে চিকিৎসালয়লৈ প্ৰেৰণ কৰা হয় যদিও শ্বোৱেইবৰ বৰ্তমান অৱস্থা অত্যন্ত সংকটজনক।’
