ডিজিটেল ডেস্ক: বাংলাদেশ চৰকাৰৰ বাবে এটা ‘নিষিদ্ধ’ সংগঠন হিজবুট-তাহৰিৰ। যিটো সংগঠনৰ বিৰুদ্ধে আছে সন্ত্ৰাসবাদী কাৰ্যকলাপৰ বিভিন্ন অভিযোগ।
এইবাৰ ঢাকা যুদ্ধক্ষেত্ৰত পৰিণত হ'ল হিজবুট তাহৰিৰ শোভাযাত্ৰাক কেন্দ্ৰ কৰি। মহম্মদ ইউনুছৰ নেতৃত্বত অন্তৱৰ্তীকালীন চৰকাৰৰ আৰক্ষীয়ে হিংসাত্মক হিজব সমৰ্থকক বাধা দিবলৈ লাঠি, কন্দুৱা গেছ, ব্যৱহাৰ কৰিব লগা পৰিস্থিতি। লগতে গ্ৰেপ্তাৰ কৰা হয় কেইবাজনো লোকক।
খবৰ অনুসৰি কালি শুকুৰবাৰৰ নামাজৰ অন্তত বাংলাদেশৰ জাতীয় মছজিদ বৈতুল মুকাৰৰামৰ পৰা বেনাৰ আৰু পতাকা লৈ হিজবুট তাহৰিৰ নেতা-কৰ্মীয়ে শোভাযাত্ৰা আৰম্ভ কৰে। বাংলাদেশৰ ধৰ্মনিৰপেক্ষ গণতন্ত্ৰৰ পৰিৱৰ্তে ইছলামিক খিলাফত স্থাপনৰ দাবীত উলিয়াইছিল সমদল।
আৰক্ষীয়ে শোভাযাত্ৰা বন্ধ কৰাৰ লগে লগে বৃদ্ধি পায় উত্তেজনা। আৰক্ষীয়ে লাঠি, কন্দুৱা গেছ, শব্দ গ্ৰেনেড আদি ব্যৱহাৰ কৰি শোভাযাত্ৰাক ছত্ৰভংগ দিছিল। লগতে কেইবাজনো লোকক গ্ৰেপ্তাৰ কৰা হয়। ইয়াৰ পিছতে মূল পথৰ পৰা আলিবাটত প্রৱেশ কৰি বিক্ষিপ্ত আক্রমণ চলোৱাৰ অভিযোগ উত্থাপন হৈছে৷
উল্লেখ্য যে আৰক্ষী মুখ্য কাৰ্যালয়ে হিজবুট তাহৰিৰৰ সকলো কাৰ্যকলাপ শাস্তিযোগ্য অপৰাধ বুলি জানিবলৈ দিয়ে। আইন অনুসৰি তেওঁলোকৰ সকলো কাম-কাজ শাস্তিযোগ্য অপৰাধ। সভা, সমাৱেশ, শোভাযাত্ৰা, পোষ্টাৰ আদি যিকোনো প্ৰচেষ্টাক আইন উলংঘা বুলি গণ্য কৰা হয়।
২০০৯ চনৰ ২২ অক্টোবৰত তেতিয়াৰ প্ৰধানমন্ত্ৰী হাছিনাৰ চৰকাৰে হিজবুট তাহৰিৰক ‘নিষিদ্ধ সংগঠন’ বুলি ঘোষণা কৰে।
Continue Reading
