ডিজিটেল ডেস্কঃ বাংলাদেশত ছাত্র সমাজ পুনৰ ৰাজপথলৈ ওলাই আহিছে। শ্বেখ হাছিনা চৰকাৰৰ পতনৰ প্রায় ছমাহৰ পাছত মহম্মদ ইউনুছৰ নেতৃত্বৰ দেশখনৰ অন্তৰ্ৱৰ্তী চৰকাৰৰ বিৰুদ্ধে আন্দোলনত নামে ছাত্র-ছাত্রীসকল।
একে সময়তে আইন-শৃংখলা ব্যৱস্থা সামৰিক বাহিনীৰ নিয়ন্ত্ৰণলৈ নিয়া বুলি সেনা প্রধানে ঘোষণা কৰিছে।
উল্লেখযোগ্য যে দেশখনত মহিলা আৰু শিশুৰ বিৰুদ্ধে যৌন হিংসা অব্যাহত থকাত ছাত্র-ছাত্রীসকল ক্ষুব্ধ হৈ পৰে। ইউনুছৰ নেতৃত্বত অন্তৰ্ৱৰ্তী চৰকাৰ এই অপৰাধসমূহ প্ৰতিৰোধ কৰাত ব্যর্থ হোৱাৰ অভিযোগ কৰি ঢাকাত বৃহৎ সংখ্যক ছাত্র-ছাত্রীয়ে বিক্ষোভ প্রদর্শন কৰে।
ঢাকাৰ জগন্নাথ বিশ্ববিদ্যালয়, ইডন কলেজ, গভর্নমেন্ট টিটুমিৰ কলেজ, ইউনিভাৰ্ছিটি অব লিবাৰেল আৰ্টছ বাংলাদেশ আৰু বি আৰ এ চি বিশ্ববিদ্যালয়কে ধৰি বিভিন্ন শৈক্ষিক প্ৰতিষ্ঠানৰ বৃহৎসংখ্যক ছাত্র-ছাত্রীয়ে এই বিক্ষোভ প্রদর্শনত অংশ গ্রহণ কৰে। ছাত্ৰ-ছাত্ৰীসকলে কৰা অভিযোগ মতে, দেশখনত অপৰাধ প্ৰতিৰোধ কৰাত চৰকাৰ ব্যৰ্থ হৈছে। তেওঁলোকে দেশখনৰ গৃহ বিভাগৰ উপদেষ্টাজনৰ পদত্যাগ দাবী কৰে।
উৎসঃ দৈনিক জনমভূমি
Continue Reading
