--°C
Loading...
Listen to Article
2 min read
80%
ডিজিটেল ডেস্ক: ভাৰতে অলপতে অগ্নি-৫ আন্তঃমহাদেশীয় বেলেষ্টিক ক্ষেপণাস্ত্ৰৰ পৰীক্ষা সম্পন্ন কৰে। ইয়াৰ লগতে ভাৰতে হাইপাৰছনিক ক্ষেপণাস্ত্ৰ নিৰ্মাণ কৰি আছে। ভাৰতৰ ক্ষেপণাস্ত্ৰ কাৰ্যসূচীক লৈ চীনে ভাবুকিৰ সন্মুখীন হোৱা বুলি অনুভৱ কৰিবলৈ লৈছে। ইয়াৰ পৰিণাম স্বৰূপে দেশখনে ভাৰতৰ ক্ষেপণাস্ত্র কার্যসূচীত সতর্ক দৃষ্টি ৰখাৰ কাৰণে চৌদিশে শক্তিশালী ৰাডাৰ প্ৰণালী স্থাপন কৰিবলৈ লৈছে। 

শেহতীয়াকৈ দেশখনে ম্যানমাৰ সীমান্তত এক বিশাল ৰাডাৰ প্ৰণালী স্থাপন কৰিছে। চীনৰ এই ৰাডাৰ প্ৰণালীয়ে ভাৰতৰ ক্ষেপণাস্ত্ৰ কাৰ্যসূচীৰ প্ৰতি উদ্বেগৰ সৃষ্টি কৰিছে। চীনে ইউনান প্রদেশৰ ম্যানমাৰ সীমান্তত লার্জ ফেজড এৰে ৰাডাৰ (এল পি এ আৰ) স্থাপন কৰিছে। 

অত্যাধুনিক এই ৰাডাৰ প্রণালীয়ে প্রায় ৫ হাজাৰ কিল'মিটাৰ দূৰলৈকে চকু ৰখাৰ ক্ষমতা আছে।
এই ৰাডাৰ প্ৰণালীৰ দ্বাৰা চীনে ভাৰত মহাসাগৰৰ বিশাল এলেকাৰ লগতে ভাৰতৰো বহু দূৰলৈকে সতর্ক দৃষ্টি ৰাখিব পাৰিব। চীনৰ ৰাডাৰ প্ৰণালীয়ে নতুন দিল্লীৰ বাবে উদ্বেগৰ সৃষ্টি কৰিছে, কিয়নো ইয়াৰ জৰিয়তে দেশখনে ভাৰতৰ বেলেষ্টিক ক্ষেপণাস্ত্র কাৰ্যসূচীৰ ওপৰত সতর্ক দৃষ্টি ৰাখিব পাৰিব। প্রায় ৫ হাজাৰ কিল'মিটাৰ দূৰত্বলৈকে চকু ৰখাৰ ক্ষমতা থকা এল পি এ ৰাডাৰৰ দ্বাৰা চীনে ভাৰতৰ বেলেষ্টিক ক্ষেপণাস্ত্ৰৰ উৎক্ষেপণত চকু ৰাখিব পাৰিব। 

এই ক্ষেপণাস্ত্ৰক বিশেষভাৱে বেলেষ্টিক ক্ষেপণাস্ত্ৰৰ ওপৰত চকু ৰাখিব পৰাকৈ নিৰ্মাণ কৰা হৈছে। এই ৰাডাৰ প্ৰণালীৰ ক্ষেপণাস্ত্র সতর্কবাণী তথা মহাকাশত ক্ষেপণাস্ত্ৰ ধৰা পেলোৱাৰ ক্ষমতা আছে। ইয়াৰ আগতে চীনে কৰলা আৰু শ্বিনজিয়াঙত এনে ৰাডাৰ প্ৰণালী স্থাপন কৰে। ইয়াৰ জৰিয়তে উত্তৰ  ভাৰতত দেশখনে চকু ৰখাৰ ক্ষমতা লাভ কৰিছে। আন কথাত চীনে অত্যাধুনিক ক্ষেপণাস্ত্ৰ প্ৰণালীৰ জৰিয়তে সমগ্ৰ ভাৰতত চকু ৰখাৰ ক্ষমতা লাভৰ চেষ্টা কৰি আাছে।

উৎসঃ দৈনিক জনমভূমি
FOLLOW US F
POPULAR
FEATURE
TRENDY
দক্ষিণ ছিৰিয়াত ড্ৰুজ সম্প্ৰদায়ৰ লোকৰ হত্যাৰ প্ৰতিশোধ ; ডামাস্কাছত ইজৰাইলৰ শক্তিশালী বিমান আক্রমণ
প্রধানমন্ত্রী ধন-ধান্য কৃষি আঁচনিত অনুমোদন
তৰমুজ খাই গুটিবোৰ পেলাই দিয়ে নেকি ?
ডাঙৰ সিদ্ধান্ত! এতিয়াৰ পৰা চৰকাৰী-বেচৰকাৰী বিদ্যালয়ত গীতাৰ পাঠ বাধ্যতামূলক…
বন্ধ হৈ যাব পাৰে  আপোনাৰ আধাৰ কাৰ্ড ! আধাৰ কাৰ্ডক লৈ জৰুৰী নিৰ্দেশনা জাৰী UIDAIৰ
এজোপা ঘিলা গছৰ বয়স ৬০০ বছৰ ; গোলাঘাটৰ মাজাৰত অসমৰ আটাইতকৈ পুৰণি গছ
ইংলেণ্ডত শুভমন গিলৰ অভিলেখৰ জোৱাৰ; এইবাৰ ভংগ কৰিলে কোহলীৰ ৰেকৰ্ড
অমৰনাথ গুহাত পাৰযোৰৰ ৰহস্য আঁৰৰ বিষয়ে জানো আহক..
আলফা(স্বাঃ)ৰ শিবিৰত ভাৰতীয় সেনাৰ আক্ৰমণ ; নয়ন অসমৰ মৃত্যু, ১৯গৰাকী কেডাৰ আহত
স্বদেশলৈ উভতিল পেৰাচাইক্লিষ্ট ৰাকেশ বণিক
শিৱাজীয়ে নিৰ্মাণ কৰা ১২টা দুর্গই লাভ কৰিলে 'বিশ্ব ঐতিহ্য'ৰ স্বীকৃতি
হেমপ্রভা চুতীয়াৰ হাতত পুনৰ প্ৰাণ পাই উঠিব ষষ্ঠখন ধর্মগ্রন্থই
কেন্দ্ৰৰ বঞ্চনাত বন্ধ হ'ল টোকোলাই চাহ গৱেষণা কেন্দ্ৰৰ দুটাকৈ গুৰুত্বপূৰ্ণ বিভাগ
নাছাৰ দুই সহস্রাধিক কৰ্মচাৰীক চাটাই কৰিব ট্রাম্পে