ডিজিটেল ডেস্কঃ অতিমাত্ৰা খাদ্য খোৱাৰ ফলত ২৪ বছৰীয়া এজন যুৱকৰ ফাটিল পেট। ফলত কৰুণ মৃত্যুক সাবটিলে যুৱকজনে।
অত্যন্ত মেদবহুলতাত আক্ৰান্ত আছিল যুৱকজন। এই যুৱকজন ছ’চিয়েল মিডিয়াত খাদ্যৰ ভিডিঅ’ পোষ্ট কৰাৰ বাবে পৰিচিত আছিল।
তুৰ্কীৰ এফেকান কুলতুৰ নামৰ যুৱকজনে খাদ্য খোৱাৰ ভিডিঅ’ পোষ্ট কৰিছিল। ‘মুকবাং’ ষ্ট্ৰীমাৰ নামেৰে বিখ্যাত আছিল এফেকান কুলতুৰ।
মুকবাং হৈছে এক প্ৰকাৰৰ অনলাইন সম্প্ৰচাৰ য’ত কণ্টেণ্ট ক্ৰিয়েটৰসকলে দৰ্শকৰ সৈতে মত বিনিময় কৰাৰ সময়তে বিশাল পৰিমাণৰ খাদ্য খায়। অত্যধিক খাদ্য খাই দৰ্শকৰ দৃষ্টি আকৰ্ষণ কৰে আৰু লাখ লাখ ভিউজ অৰ্জন কৰে ক্ৰিয়েটৰসকলে।
অতিৰিক্ত ওজনৰ বাবে হোৱা স্বাস্থ্যজনিত সমস্যাৰ বাবে ২০২৪ চনৰ ডিচেম্বৰৰ পৰা চিকিৎসালয়ত ভৰ্তি হৈ আছিল এফেকান।
এফেকানে থিয় দিব ভালকৈ পৰা নাছিল। তেওঁৰ উশাহ-নিশাহত অসুবিধা হ’বলৈ ধৰিলে আৰু লগতে তেওঁৰ গধুৰ শৰীৰৰ বাবে খোজ কঢ়াতো অসুবিধা হৈছিল।
এফেকানৰ মৰণোত্তৰ পৰীক্ষাৰ প্ৰতিবেদনত কোৱা হৈছে যে তেওঁৰ পেটত বহু পৰিমাণে হজম নোহোৱা খাদ্য ভৰি পৰিছিল যাৰ বাবে তেওঁৰ পেট ফাটি গৈছিল।
পেট ফাটি যোৱাৰ বাবে পেটৰ এচিড আৰু খাদ্য পাকস্থলীত প্ৰৱেশ কৰে আৰু ইয়াৰ বাবেই তেওঁৰ মৃত্যু হয়।
মেডিকেল নিউজ টুডেৰ তথ্য অনুসৰি এজন গড় ব্যক্তিয়ে দিনটোত ২০০০ৰ পৰা ২৫০০ কেলৰি খাব লাগে, যিটো প্ৰায় ১ৰ পৰা ১.৫ কিলোগ্ৰাম খোৱাৰ সমতুল্য।
প্ৰাপ্তবয়স্ক লোকে দৈনিক কমেও ৫০ গ্ৰাম প্ৰটিন খাব লাগে। ইয়াৰ লগতে ৩০ গ্ৰাম কাৰ্ব আৰু ৭০ গ্ৰাম চৰ্বিও খাব লাগে।
ইয়াৰ উপৰিও আঁহো খাদ্যত অন্তৰ্ভুক্ত কৰিব লাগে যাতে হজম শক্তি সঠিক হৈ থাকে। এবাৰতে বেছিকৈ খোৱাৰ পৰা বিৰত থাকিব লাগে।
Continue Reading
