ডিজিটেল ডেস্কঃ উত্তৰ প্ৰদেশ, পঞ্জাব, গোৱা, মণিপুৰ আৰু উত্তৰাখণ্ডৰ বিধানসভা নিৰ্বাচনৰ পৰিপ্ৰেক্ষিতত ভাৰতীয় জনতা পাৰ্টীৰ ৰাষ্ট্ৰীয় সভাপতি জে পি নাড্ডাই এখন বিশেষ ৰাষ্ট্ৰীয় মিডিয়া সমন্বয়ৰক্ষী সমিতি গঠন কৰে। এই মিডিয়া সমিতিখনে আগন্তুক ৫খন ৰাজ্যৰ নিৰ্বাচনত মিডিয়াৰ সৈতে সমন্বয় ৰক্ষা আৰু পৰিকল্পনা প্ৰস্তুত কৰাত বিশেষ ভূমিকা পালন কৰিব। এই ৰাষ্ট্ৰীয় সমিতিখনত অসমৰ পৰা নলবাৰীৰ বিধায়ক তথা মুখ্যমন্ত্ৰীৰ ৰাজনৈতিক সচিব জয়ন্ত মল্ল বৰুৱাক অন্তৰ্ভুক্ত কৰা হয়।
উল্লেখ্য যে ২০ জনীয়া এই বিশেষ সমিতিখনত জয়ন্ত মল্ল বৰুৱাৰ সৈতে থকা আন সদস্যসকল হ’ল প্ৰাক্তন কেন্দ্ৰীয় মন্ত্ৰী সুৰেশ প্ৰভূ, ৰাজ্যসভাৰ সাংসদ ব্ৰীজ লাল, ৰাষ্ট্ৰীয় সদস্য বিনয় সহস্ৰবুদ্ধি, ত্ৰিপুৰাৰ ৰাজ্যিক সভাপতি মাণিক সাহা, ৰাষ্ট্ৰীয় মুখপাত্ৰ ড০ সুধাংশু ত্ৰিৱেদী, ৰাজ্যৱৰ্ধন সিং ৰাঠোড়, ৰাষ্ট্ৰীয় আই টি আহ্বায়ক অমিত মালব্য, সাংসদ অনুৰাগ শৰ্মা, যুগল কিশোৰ শৰ্মা, মেঘালয়ৰ প্ৰাক্তন মন্ত্ৰী এ এল হেক, ভাৰতীয় জনতা যুৱ-মৰ্চাৰ ৰাষ্ট্ৰীয় উপ-সভাপতি ড০ অভিনৱ প্ৰকাশ আদি।
