ডিজিটেল ডেস্ক: ভৰাতীয় সংবিধানৰ প্ৰস্তাৱনাতে উল্লেখ আছে যে ভাৰতবৰ্ষ এখন সাৰ্বভৌম, সমাজবাদী, ধৰ্মনিৰপেক্ষ গণতান্ত্ৰিক গণৰাজ্য। আপ্ত শব্দ কেইটাই যেন কেৱল সংবিধানৰ প্ৰস্তাৱনাহে শুৱনি কৰি আছে, দেশত ধৰ্মনিৰপেক্ষতা এতিয়া ফুটুকাৰ ফেন। অনুসূচিত জাতি জনাতিৰ তালিকাতো পৰিলক্ষিত হৈছে ধৰ্মীয় বৈষম্য।
সৰ্বভাৰতীয় পাছমাণ্ডা মুছলিম মহাজে ধৰ্ম নিৰপেক্ষ ভবে অনুসূচিত জাতি তালিকা প্ৰস্তুত কৰি দলিত মুছলমান আৰু খ্ৰীষ্টানসকলক অনুসূচিত জাতিৰ মৰ্যাদা প্ৰদান কৰিবলৈ শুকুৰবাৰে কেন্দ্ৰীয় আয়োগক আহ্বান জনাইছে। প্ৰাক্তন মুখ্য ন্যায়াধীশ কে.জি বালকৃষ্ণনৰ নেতৃত্বাধীন তিনিজনীয়া আয়োগক সাক্ষাৎ কৰে ৰাজ্যসভাৰ প্ৰাক্তন সদস্য আলী আনোৱাৰ আনছাৰীৰ নেতৃত্বত এআইপিএমএমৰ এটা প্ৰতিনিধি দলে।
প্ৰতিনিধি দলটোৱে, পাছমাণ্ডা মুছলমানসকলকো অনুসূচিত জাতিৰ অন্তৰ্ভুক্ত কৰিবৰ বাবে তালিকাখন ধৰ্মনিৰপেক্ষ ভাবে প্ৰস্তুত কৰিবলৈ আয়োগক আহ্বান জনাইছে। উল্লেখযোগ্য যে ‘পছমাণ্ডা’ শব্দটো পিছপৰা, দলিত আৰু জনজাতীয় মুছলমানসকলক বুজাবলৈ ব্যৱহাৰ কৰা হয়৷ আনছাৰীযে এক বিবৃতিৰ জড়িয়তে প্ৰকাশ কৰিছে যে, ‘আজি আমি প্ৰাক্তন মুখ্য ন্যায়াধীশ কে.জি বালকৃষ্ণনৰ নেতৃত্বাধীন আয়োগৰ ওচৰত কেন্দ্ৰই অনুসূচিত জাতিৰ মৰ্যাদা ধৰ্ম নিৰপেক্ষ ভবে প্ৰদান কৰিব লাগে বুলি আবেদন জনায়। সম্প্ৰদায় হিচাপে জনসংখ্যা অধিক হোৱাৰ পিছতো চাকৰি, বিধায়িনী দল তথা চৰকাৰী সংখ্যালঘু প্ৰতিষ্ঠানৰ লগতে মুছলমান সংগঠনতো পাছমাণ্ডা মুছলমানসকলৰ প্ৰতিনিধিত্ব কম বুলি প্ৰতিনিধি দলটোৱে আয়োগৰ ওচৰত সদৰি কৰিছে।
উল্লেখযোগ্য যে সংবিধান প্ৰণয়ন কৰাৰ পাছত ৰাষ্ট্ৰপতিয়ে ৩৪১(১) অনুচ্ছেদৰ অধীনত সংবিধান (অনুসূচিত জাতি) আদেশ ১৯৫০ জাৰি কৰে, এই অনুচ্ছেদৰ অধীনত অনুসূচিত জাতি, জনজাতিৰ নাম অনুসূচিত জাতিৰ তালিকাত অন্তৰ্ভুক্ত কৰা হয়। ন্যায়াধীশ কে.জি বালকৃষ্ণনৰ নেতৃত্বাধীন আয়োগে কি পদক্ষেপ গ্ৰহণ কৰে সেয়া লক্ষণীয় হ’ব৷
Continue Reading
