বিজাপুৰত অব্যাহত মাওবাদী বিৰোধী অভিযান, ১৩ জন মাওবাদী নিহত

তেওঁৰ মূৰৰ মূল্য আছিল ২৯ লাখ টকা। মঙলবাৰে পুৱা ছত্তীশগড়ৰ বিজাপুৰ জিলাত নিৰাপত্তাৰক্ষীৰ সৈতে সংঘৰ্ষত চাৰিজন মাওবাদী নিহত হৈছিল। নিৰাপত্তাৰক্ষীৰ সৈতে সংঘৰ্ষত কালিলৈকে  ১০ জন মাওবাদী নিহত হৈছিল।  মঙলবাৰে ছত্তীশগড়ৰ বিজাপুৰ জিলাত মাওবাদীৰ বিৰুদ্ধে নিৰাপত্তা বাহিনীয়ে অভিযান চলায়। পুৱা প্ৰায় ৬ বজাত  নিৰাপত্তা বাহিনীৰ এটা যুটীয়া দলে লেন্দ্ৰ গাওঁৰ ওচৰত মাওবাদী বিৰোধী অভিযান আৰম্ভ কৰে। দলটোত জিলা ৰিজাৰ্ভ গাৰ্ড, বিশেষ টাস্ক ফ'ৰ্চ, চিআৰপিএফ আৰু কোব্ৰাৰ সদস্যসকল অন্তৰ্ভুক্ত আছিল।

মঙলবাৰে পুৱা আৰক্ষীয়ে বিজাপুৰৰ লেন্দ্ৰ গাওঁৰ ওচৰত মাওবাদীৰ উপস্থিতিৰ  বিষয়ে তথ্য লাভ কৰে। এই তথ্য লাভ কৰাৰ পিছতে যুটীয়া বাহিনীয়ে মাওবাদী বিৰোধী অভিযান আৰম্ভ কৰে। অভিযানৰ সময়ত মাওবাদীয়ে  নিৰাপত্তা বাহিনীৰ ওপৰত  ওপৰত গুলীচালনা কৰিবলৈ আৰম্ভ কৰে।  সুৰক্ষা বাহিনীয়েও প্ৰত্যুত্তৰত গুলীচালনা কৰে।  

 দুয়োপক্ষৰ মাজত কিছু সময়ৰ বাবে সংঘৰ্ষ  অব্যাহত থাকে। ইতিমধ্যে বিভিন্ন স্থানৰ পৰা  ১০ জন মাওবাদীৰ মৃতদেহ উদ্ধাৰ কৰিছে। সংঘৰ্ষৰ পিছত নিৰাপত্তাৰক্ষীয়ে এটা মেচিনগান আৰু অন্যান্য অস্ত্ৰসহ কেইবাটাও স্বয়ংক্ৰিয় অস্ত্ৰ উদ্ধাৰ কৰে। আজি নিহতৰ সংখ্যা বৃদ্ধি হৈ ১৩ গৰাকী হৈছে। উল্লেখ্য বিজাপুৰ জিলাৰ বাস্তাৰ লোকসভা সমষ্টিত ১৯ এপ্ৰিলত প্ৰথম পৰ্যায়ত নিৰ্বাচন অনুষ্ঠিত হ'ব। নিৰ্বাচনৰ সময়ত সন্ত্ৰাসৰ যিকোনো পৰিৱেশ প্ৰতিহত কৰিবলৈ নিৰাপত্তা বাহিনীয়ে মাওবাদীৰ বিৰুদ্ধে নিৰন্তৰ অভিযান চলাই আছে। ২৭ মাৰ্চত বিজাপুৰ জিলাৰ বাচাগুড়া অঞ্চলত এক অভিযানত ছজন মাওবাদী নিহত হৈছিল। মাত্ৰ এসপ্তাহৰ ভিতৰতে এই মাওবাদী অধ্যুষিত অঞ্চলটোত পুনৰ কেইবাজনো মাওবাদী ধৰাশায়ী হৈছে। আৰক্ষীয়ে জনোৱা অনুসৰি চলি বছৰত এতিয়ালৈকে কেৱল বাস্তাৰতে ৪৩ জন মাওবাদী নিহত হৈছে।