প্ৰেমিকাক কোলাত বহুৱাই ৰাজপথত প্ৰেমিকৰ বাইক ষ্টাণ্ট! ৫৩,৫০০ টকাৰ জৰিমনা আৰক্ষীৰ

ডিজিটেল ডেস্কঃ আজিকালি ভাইৰেল হোৱাৰ নামত যুৱক-যুৱতীসকলে নানা ধৰণৰ অপৰাধমূলক কাৰ্য সংঘটিত কৰে। যুৱতীক কোলাত বহোৱাই ৰাজপথত ষ্টাণ্ট কৰা এজন যুৱক এতিয়া আৰক্ষীৰ জালত।

দিল্লী-এনচিআৰৰ অন্যতম ব্যস্ত এক্সপ্ৰেছৱে নয়ডা-গ্ৰেটাৰ নয়ডা এক্সপ্ৰেছৱে’ত এহাল প্ৰেমিক-প্ৰেমিকাৰ এক অদ্ভুত ষ্টাণ্টৰ ভিডিঅ’ ছ’চিয়েল মিডিয়াত ভাইৰেল হৈ পৰিছে। ভিডিঅ’টোত তেওঁলোকে বাইকত ৰোমাঞ্চ কৰা দেখা গৈছে। এই সময়ত দুয়োজনে মুকলিকৈ যান-বাহনৰ নিয়ম উলংঘা কৰিছিল। অৱশ্যে এই ভিডিঅ’ ভাইৰেল হোৱাৰ পিছতে যান-বাহন আৰক্ষীয়ে কঠোৰ ব্যৱস্থা গ্ৰহণ কৰিছে।

ভাইৰেল ভিডিঅ’টোত দেখা গৈছে যে এজন যুৱকে তীব্ৰবেগত বাইক চলাই আছে আৰু ছোৱালীজনীয়ে সন্মুখত বহি তেওঁক টানকৈ সাৱটি ধৰিছে। কেৱল এয়াই নহয়, দুয়োজনে হেলমেটো পিন্ধা নাছিল। এই ভিডিঅ’টো এক্সপ্ৰেছৱেৰ মাজেৰে পাৰ হৈ যোৱা এখন গাড়ীত বহি থকা পথচাৰীয়ে নিজৰ মোবাইল ফোন কেমেৰাত বন্দী কৰিছিল, যিটো এতিয়া ছ’চিয়েল মিডিয়াত ভাইৰেল হৈ পৰিছে। ভিডিঅ’টোত বাইকৰ নম্বৰটোও স্পষ্টকৈ দেখা গৈছে।

ভিডিঅ’টো ভাইৰেল হোৱাৰ পিছতে ছ’চিয়েল মিডিয়াত সকলোয়ে প্ৰতিক্ৰিয়া প্ৰকাশ কৰি যান-বাহন আৰক্ষীক শীঘ্ৰে ব্যৱস্থা গ্ৰহণৰ দাবী জনায়। ভাইৰেল ভিডিঅ’টোৰ প্ৰতি লক্ষ্য ৰাখি নয়ডা ট্ৰেফিক আৰক্ষীয়ে মটৰ গাড়ী আইন অনুসৰি ৫৩,৫০০ টকাৰ বিশাল পৰিমাণৰ জৰিমনা বিহিছে। নয়ডা আৰক্ষীয়ে এতিয়া ভিডিঅ’টোত দেখা পোৱা যুৱকজনক চিনাক্ত কৰাৰ চেষ্টা চলাইছে।

মন কৰিবলগীয়া যে বাইকত বহি থকা এই প্ৰেমিকযুগলে অশ্লীলতাৰ সীমা অতিক্ৰম কৰাই নহয়, যান-বাহনৰ নিয়মো মুকলিকৈ উলংঘা কৰিছিল। আৰু ঘাইপথত নিজৰ জীৱন আৰু আনৰ জীৱনকো বিপদত পেলাইছিল। যদি বাইকখনে ভাৰসাম্য হেৰুৱালেহেঁতেন তেন্তে এটা ডাঙৰ দুৰ্ঘটনা হ‘লহেঁতেন। বৰ্তমান নয়ডা ট্ৰেফিক পুলিচে এই যুৱকজনক ৫৩,৫০০ টকাৰ জৰিমনাৰ শাস্তি প্ৰদান কৰিছে।