ডিজিটেল ডেস্কঃ ৪৩ বছৰৰ কাৰাদণ্ডৰ অন্তত দোষমুক্ত হ’ল মিছৌৰীৰ এগৰাকী মহিলা। যদিহে মুকলি কৰি দিয়া হয় তেন্তে তেওঁ হ’ব অভিযোগ নোহোৱাকৈ জেলত থকা আটাইতকৈ দীৰ্ঘদিনীয়া মহিলা।
১৯৮০ চনত মিছৌৰীৰ ছেইণ্ট জোচেফত ৩১ বছৰীয়া পেট্ৰিচিয়া জেচকে নামৰ এগৰাকী লাইব্ৰেৰিয়ানক হত্যা কৰা হয়। আৰক্ষীয়ে তদন্ত কৰি গ্ৰেপ্তাৰ কৰে ছেণ্ড্ৰা হেম নামৰ এগৰাকী যুৱতীক। চেণ্ড্ৰাৰ বয়স আছিল মাত্ৰ ২০ বছৰ। চেণ্ড্ৰাৰ বিৰুদ্ধে মূল প্ৰমাণ আছিল তাইৰ নিজৰ ‘স্বীকাৰোক্তি’। জনা গৈছে যে তেওঁ মানসিক ৰোগত আক্ৰান্ত। আৰক্ষীৰ মতে, ১২ বছৰ বয়সৰ পৰাই তেওঁ বিভিন্ন মানসিক আৰু স্নায়ুজনিত বিকাৰৰ বাবে চিকিৎসাধীন হৈ আহিছে। এই গোচৰত চেণ্ড্ৰাক দোষী সাব্যস্ত কৰা হয়। আদালতে তেওঁক যাৱজ্জীৱন কাৰাদণ্ডৰ শাস্তি প্ৰদান কৰে।
বছৰ বছৰ পিছত ছেইণ্ট জোচেফৰ মাইকেল হোলমেন নামৰ এজন আৰক্ষীক আন এটা গোচৰত দোষী সাব্যস্ত কৰা হয়। সেই গোচৰত তেওঁক জেলত ভৰোৱা হৈছিল। পেট্ৰিচিয়াক হত্যা কৰাৰ সময়ত হোলমেনৰ বয়স আছিল ২২ বছৰ। পেট্ৰিচিয়াৰ কাণফুলি তাইৰ কাণফুলিৰ লগত মিলি যায়। যদিও হোলমেনক বহুবাৰ ক্ৰছ এক্সাম কৰা হৈছিল, তথাপিও ৰাজহুৱা অভিযুক্তই তেওঁৰ বিৰুদ্ধে কেতিয়াও সঠিক গোচৰ গঢ়ি তুলিব পৰা নাছিল। ২০১৫ চনত কাৰাগাৰত মৃত্যু হয় হোলমেনৰ।
চলিত বৰ্ষৰ জানুৱাৰী মাহত ছেণ্ড্ৰা হেমৰ অধিবক্তাই তেওঁলোকৰ ক্লায়েণ্ট নিৰ্দোষী বুলি দাবী কৰি ১৪৭ পৃষ্ঠাৰ নথি আদালতত দাখিল কৰিছিল। সেই নথি-পত্ৰসমূহ পৰ্যালোচনা কৰি তিনিদিনীয়া শুনানিৰ পিছত শুকুৰবাৰে ন্যায়াধীশ ৰিয়ান হৰ্ছমেনে ছেণ্ড্ৰা নিৰ্দোষী বুলি ৰায় দিয়ে। ৩০ দিনৰ ভিতৰত তেওঁক মুকলি কৰি দিব লাগে। ন্যায়াধীশৰ ভাষাত, "সেই সময়ত তদন্ত যে একপক্ষীয়ভাৱে কৰা হৈছিল সেয়া প্ৰমাণিত হৈছে। যদিও হোলমেনৰ বিৰুদ্ধে যথেষ্ট প্ৰমাণ আছিল, তথাপিও তেওঁৰ বিৰুদ্ধে কোনো অভিযোগ উত্থাপন কৰা হোৱা নাছিল। চেণ্ড্ৰাৰ অসংলগ্ন কথা শুনি আৰক্ষীয়ে ধৰি লৈছিল যে তাইয়েই দোষী।''
Continue Reading
