ডিজিটেল ডেস্কঃ পাকিস্তানৰ মহম্মদ ৰিজৱানে বেটিং কৰিবলৈ কিছু সময় লৈছিল। সময় নষ্ট কৰি আছিল। ভাৰতীয় দলটোৱে নিৰ্দিষ্ট সময়ৰ ভিতৰত বলিং শেষ কৰিব নোৱাৰিলে নিয়ম অনুসৰি শাস্তি দিব লাগিব। গতিকে বিৰাট কোহলীয়ে ৰিজৱানক আকাৰে ইংগিতে কিবা এটা দেখুৱালে।
শনিবাৰে আহমেদাবাদত প্ৰথমটো বল খেলাৰ পূৰ্বে ৰিজৱানে কিছু সময় উলিয়াই গাৰ্ড ল’লে। ভাৰতীয় ফিল্ডাৰসকলক কিছু সময় তেওঁলোকে ক’ত থিয় হৈ আছে তাক চাই আছিল। ফলত সময় নষ্ট হ’ল। আইচিচিৰ নিয়ম অনুসৰি নিৰ্দিষ্ট সময়ৰ ভিতৰত ৫০ অভাৰৰ বলিং সম্পূৰ্ণ কৰিব লাগিব। পাকিস্তানৰ উইকেটকীপাৰ-বেটছমেনে সময় নষ্ট কৰা দেখি বিৰাটে তেওঁক এই ইংগিত দিয়ে। ভাৰতৰ প্ৰাক্তন অধিনায়কগৰাকীয়ে পোনপটীয়াকৈ একো কোৱা নাছিল। বাৰে বাৰে সময় চোৱাৰ ভাও ধৰে।
দূৰৰ পৰা এনে লাগিছিল যেন সঁচাকৈয়ে কোহলীয়ে ঘড়ীটো চাই আছে। কিন্তু আচলতে তেওঁৰ হাতত কোনো ঘড়ী নাছিল। ৰিজৱানেও কোহলীৰ নিখুঁত প্ৰদৰ্শন ধৰিব নোৱাৰিলে। খৰধৰকৈ বেটিং কৰিবলৈ সাজু হ’ল। কোহলীয়ে এই ঘড়ীটো চোৱাৰ ভিডিঅ’ ছ’চিয়েল মিডিয়াত ক্ৰিকেটপ্ৰেমীৰ মাজত ভাইৰেল হৈ পৰিছে।
আইচিচিৰ নিয়ম অনুসৰি নিৰ্দিষ্ট সময়ৰ ভিতৰত ৫০ অভাৰ সম্পূৰ্ণ কৰিব লাগিব। যদি নহয়, তেন্তে প্ৰতি অভাৰত নিজ নিজ দলে মেচ মাচুলৰ পাঁচ শতাংশ জৰিমনা ভৰিব লাগিব।
Continue Reading
