বৰহাট চাহ বাগিচাত উত্তপ্ত পৰিস্থিতি; চাহপাত চোৰৰ আক্ৰমণত আহত ১০জনকৈ চাহ শ্ৰমিক, এজনৰ অৱস্থা সংকটজনক

ডিজিটেল ডেস্ক: চৰাইদেউ জিলাৰ বৰহাট চাহ বাগিচাত পুৱাই উত্তপ্ত পৰিস্থিতিৰ সৃষ্টি হয়। শ শ শ্ৰমিকে উত্তাল কৰে বাগিচা চৌহদ। নিশা কেঁচা চাহপাত চোৰৰ এটি বৃহৎ দলে বাগিচাখনৰ দহ জনকৈ চকীদাৰক আক্ৰমণ কৰা ঘটনাক লৈ তীব্ৰ প্ৰতিবাদ সাব্যস্ত কৰে।

বাগিচাখনৰ ১৬ নং এলেকাত এটা বৃহৎ চাহপাত চোৰৰ দলে চাহপাত চুৰি কৰাৰ খবৰ লাভ কৰাৰ বাগিচাৰ এটা দহ জনীয়া চকীদাৰৰ দলে চোৰৰ দলটোক বাধা প্ৰদান কৰিবলৈ যাওঁতেই আশী নব্বৈ জনীয়া এটা চোৰৰ বৃহৎ দলে চোকা অস্ত্ৰৰে আক্ৰমণ কৰে।

আক্ৰমণত গুৰুতৰভাৱে আহত হয় মিচেল কেৰকেটা, হেমন্ত লোহাৰ আৰু বিতু লোহাৰ। আহত হয় ৰাধেশ্যাম তাঁতী, শংকৰ খৈৰা, অমিৰ তেলী, আৰু লবেণ্টোষ কেৰকেটা। 

গুৰুতৰভাৱে আহত হোৱা তিনিও জনকে চাবুৱা টাটা মেমৰিয়েল চিকিৎসালয়ত নিশাই উন্নত চিকিৎসাৰ বাবে প্ৰেৰণ কৰা হৈছে।