ডিজিটেল ডেস্ক: বৰপেটাৰোডত সংঘটিত হৈছে শোকাৱহ দুৰ্ঘটনা। ১২ চকীয়া ট্ৰাকৰ তলত পৰি থিতাতে মৃত্যু মহিলা চাফাই কৰ্মীৰ।
নিহত মহিলাগৰাকীৰ নাম ছন্দা হৰিজন। বৰপেটাৰোডৰ সূৰ্য নগৰত ঘৰ মহিলাগৰাকীৰ।
প্ৰায় ৬০ বছৰ বয়সীয়া ছন্দা হৰিজন বৰপেটাৰোড পৌৰ সভাৰ চাফাইকৰ্মী আছিল।
বৰপেটাৰোড ষ্টেছন ৰোডত AS 09 AC 1933 নম্বৰৰ ১০ চকীয়া ট্ৰাকখনে মহতিয়াই নিয়ে চাফাইকৰ্মীগৰাকীক।
ইপিনে দুৰ্ঘটনা সংঘটিত কৰিয়েই ট্ৰাক চালকজনে ঘটনাস্থলীৰ পৰা পলায়ন কৰে। ঘটনাস্থলীত বৰপেটাৰোড আৰক্ষী উপস্থিত হৈ তদন্ত আৰম্ভ কৰিছে ।
উল্লেখযোগ্য যে অতি ব্যস্ত চহৰখনত জনস্বাৰ্থৰ খাতিৰত বৰপেটাৰোড পৌৰ সভাই পুৱা ৮ বজাৰ পৰা নিশা ৮ বজালৈ দহ চকীয়া বাহনকে ধৰি গধুৰ যান-বাহনৰ প্ৰৱেশ নিষিদ্ধ কৰিছিল যদিও চহৰখনত আৰক্ষীৰ সন্মুখতে কেনেদৰে শ শ গধুৰ যান বাহন প্ৰৱেশ কৰিছে তাক লৈ প্ৰশ্ন উত্থাপন কৰিছে সাধাৰণ ৰাইজে।
Continue Reading
