প্ৰতিকূল বতৰৰ বাবে চাৰিধাম যাত্ৰা সাময়িকভাৱে স্থগিত

ডিজিটেল ডেস্ক : বতৰৰ পৰিৱৰ্তন, ধাৰাসাৰ বৰষুণ আৰু ভূমিস্খলনৰ ফলত চাৰিধাম যাত্ৰা সাময়িকভাৱে স্থগিত ৰাখিছে উত্তৰাখণ্ড চৰকাৰে। ভাৰতীয় বতৰ বিজ্ঞান কেন্দ্ৰই ৰাজ্যখনত 'ৰেড' আৰু 'অ'ৰেঞ্জ' এলাৰ্ট জাৰি কৰাৰ পাছতেই চৰকাৰে চাৰিধাম যাত্রা স্থগিত ৰখাৰ সিদ্ধান্ত লয়। 

ৰাজ্যখনৰ বহু পাহাৰীয়া স্থানত ভূমিস্খলনৰ তথ্য পোৱা গৈছে। কেদাৰনাথ, বদ্রীনাথ, গংগোত্ৰী আৰু যমুনোত্ৰীলৈ যোৱা তীৰ্থযাত্ৰীৰ সুৰক্ষাৰ প্ৰতি দৃষ্টি ৰাখিয়ে উত্তৰাখণ্ড চৰকাৰে যাত্ৰা সাময়িকভাৱে স্থগিত ৰখাৰ সিদ্ধান্ত লয়। বৰষুণ কমিলে আৰু ভূমিস্খলন বন্ধ হ'লে এই তীর্থযাত্রা পুনৰ আৰম্ভ কৰা হ'ব। 

উল্লেখযোগ্য যে চলিত বৰ্ষত দেওবাৰে সন্ধিয়া পর্যন্ত ৪৪,৮৪, ৪২৯গৰাকী তীর্থযাত্ৰীয়ে চাৰিধামৰ লগতে হেমকুণ্ড চাহিব ভ্রমণ কৰিছে। ইয়াৰে ১৫,২১,৩৮১জনে বদ্রীনাথ, ১৪,০৯,৬৬৮জনে কেদাৰনাথ, ৬,৯৯,৩৮৭জনে গংগোত্রী। ৬,৪৬,২৩৫জনে যমুনোত্রী ভ্রমণ কৰিছে। আনহাতে, ২০,৭,৭৫৮জনে হেমকুণ্ড চাহিব পৰিদৰ্শন কৰিছে। উৎস : দৈনিক জনমভূমি