ডিজিটেল ডেস্কঃ মাস্ক পিন্ধাৰ দিন ঘূৰি আহিছে। চিকিৎসালয়ৰ আন্তঃগাঁথনি উন্নত কৰা হৈছে। কৰোনাৰ উপ-ভেৰিয়েন্ট ‘ফ্লাৰ্ট’ৰ দ্বাৰা আক্ৰান্ত লোকৰ সংখ্যা এসপ্তাহত দুগুণ হোৱাৰ লগে লগে ছিংগাপুৰত বিভিন্ন পদক্ষেপ গ্ৰহণ কৰা হৈছে। অতিৰিক্ত টিকাকৰণৰ ওপৰতো গুৰুত্ব দিয়া হয়।
সেই দেশৰ স্বাস্থ্য মন্ত্ৰালয়ৰ তথ্য অনুসৰি ৫-১১ মে’ৰ ভিতৰত Flirt sub variant ৰ দ্বাৰা আক্ৰান্ত লোকৰ সংখ্যা প্ৰায় ২৫ হাজাৰ ৯০০ হৈছেগৈ। পূৰ্বৰ সপ্তাহত এই সংখ্যা আছিল ১৩,৭০০। অৰ্থাৎ এসপ্তাহত দুগুণ বৃদ্ধি পাইছে আক্ৰান্তৰ সংখ্যা। কমেও ২৫০জন লোক চিকিৎসালয়ত ভৰ্তি হৈ আছে।
আশংকা হৈছে যে যদি এইদৰে ফ্লাৰ্টৰ দ্বাৰা আক্ৰান্ত লোকৰ সংখ্যা বৃদ্ধি পাই থাকে, তেন্তে স্বাস্থ্য আন্তঃগাঁথনিৰ ওপৰত হেঁচা পৰিব, যিটো চম্ভালিবলৈ কঠিন হ’ব। স্বাস্থ্য মন্ত্ৰালয়ৰ নিৰ্দেশ অনুসৰি জনবসতিপূৰ্ণ অঞ্চলত মাস্ক পৰিধান কৰিব লাগে।
যিসকল সংক্ৰমণৰ আশংকা বেছি, ‘উচ্চ বিপদজনক গোট’, তেওঁলোকক অতিৰিক্ত সাৱধানতাৰ প্ৰয়োজন। মন্ত্ৰালয়ে লগতে পৰামৰ্শ আগবঢ়াইছে যে যদি যোৱা ১২ মাহত ৬০ বছৰৰ ওপৰৰ কোনোবাই এই ভেকচিনৰ অতিৰিক্ত মাত্ৰা গ্ৰহণ কৰা নাই তেন্তে সোনকালে গ্ৰহণ কৰিব লাগে।
Continue Reading
