ছৌডিৰ ‘ৰেড লিষ্ট’ত ভাৰত : কিহৰ বাবে এই নিষেধাজ্ঞা?

ডুবাই : ছৌডি আৰৱৰ ‘ৰেড লিষ্ট’ত ভাৰত। দেশখনৰ নাগৰিকে অহা তিনি বছৰলৈ ভাৰত ভ্ৰমণ কৰিব নোৱাৰিব আৰু এই নীতি উলংঘা কৰা লোকৰ বিৰুদ্ধে বৃহৎ জৰিমণা আৰোপ কৰা হ’ব। বুধবাৰে এই নিষেধাজ্ঞা জাৰি কৰিছে গাল্ফ ৰাষ্ট্ৰখনে। কেৱল ভাৰতেই নহয়, আন কেইবাখনো দেশ ভ্ৰমণৰ পৰা বাৰণ কৰা গৈছে ছৌডিৰ নাগৰিকক। কিন্তু কিহৰ বাবে এই কঠোৰ নিষেধাজ্ঞা জাৰি কৰিছে দেশখনে? ইয়াৰ কাৰণ হৈছে ক’ভিড-১৯।

ছোডি প্ৰেছ এজেন্সিত প্ৰকাশিত বাতৰি অনুসৰি দেশখনৰ চৰকাৰে মন্তব্য কৰিছে যে, ‘নিষিদ্ধ ঘোষণা কৰা ৰাষ্ট্ৰসমূহ ভ্ৰমণ কৰিলে তাক ক’ভিড বিধি উলংঘা কৰা বুলি ধৰা হ’ব।’ সংবাদ সংস্থাটোৱে প্ৰকাশ কৰিছে যে, দেশখনৰ গৃহমন্ত্ৰীয়ে ‘নো ট্ৰেভেল’ লিষ্টত থকা দেশসমূহ ভ্ৰমণ নকৰিবলৈ ইয়াৰ নাগৰিকক সকীয়াই দিছে। ক’ভিড সংক্ৰমণ অব্যাহত থকা দেশসমূহ এই তালিকাত আছে।

ছৌডিৰে ৰেড তালিকাত থকা দেশসমূহ হৈছে, ইউ এ ই, লিবিয়া, ছিৰিয়া, লেবানন, য়েমেন, ইৰাণ, তুৰস্ক, আৰ্মেনিয়া, ইথিঅ’পিয়া, ছোমালিয়া, কংগো, আফগানিস্তান, ভেনিজুৱেলা, বেলাৰুছ, ভাৰত আৰু ভিয়েটনাম।