ডিজিটেল ডেস্কঃ নিচাযুক্ত দ্ৰব্যৰ বিৰুদ্ধে আৰক্ষীৰ অভিযান অব্যাহত আছে। ত্ৰিপুৰা সীমান্তৰ চোৰাইবৰীত পুনৰ বুজন পৰিমাণৰ গাঁজা জব্দ কৰিলে আৰক্ষীয়ে।
ত্ৰিপুৰাৰ পৰা হাৰিয়ানা অভিমুখী এখন ৰবৰ ভৰ্তি ট্ৰাকৰ পৰা জব্দ কৰা হয় এই বুজন পৰিমাণৰ গাঁজাখিনি। গাড়ীখনৰ নম্বৰ ( পিবি ৬৫ এভি ৭৪৯৬)
চোৰাইবৰী আৰক্ষী তালাচী চকীৰ ভাৰপ্ৰাপ্ত বিষয়া প্ৰণৱ মিলিৰ নেতৃত্বত আৰক্ষীয়ে নিয়মীয়া তালাচী চলাই ট্ৰাকখনৰ পৰা জব্দ কৰে গাঁজা ভৰ্তি ৪৪৯টা পেকেট। গাঁজাখিনিৰ মুঠ ওজন ১৩১৭ কেজি। ৰবৰ বস্তাৰ ভিতৰত লুকুৱাই অনা হৈছিল হৈছিল গাঁজাৰ পেকেটকেইটা।
জব্দ কৰা গাঁজাখিনিৰ মুল্য প্ৰায় তিনি কোটি টকা বুলি সদৰি কৰিছে আৰক্ষীয়ে। গাঁজাখিনি ত্ৰিপুৰাৰ পৰা অসমৰ মাজেৰে হাৰিয়ানালৈ সৰবৰাহৰ পৰিকল্পনা কৰিছিল ট্ৰাকৰ চালক আৰু সহ চালকে।
আৰক্ষীয়ে ইতিমধ্যে গোচৰ ৰুজু কৰি তদন্ত আৰম্ভ কৰিছে।
আৰক্ষীয়ে ট্ৰাকখনৰ চালক আৰু সহ চালক ক্ৰমে বলবীৰ সিং আৰু বিজয় কুমাৰক আটক কৰিছে। দুয়োজনৰ ঘৰ পঞ্জাবত।
Continue Reading
