ডিজিটেল ডেস্ক: হঠাতে ১০০ শতাংশ ভাড়া বৃদ্ধিৰ বিৰুদ্ধে ৰাজপথত কলেজীয়া ছাত্ৰৰ তীব্ৰ প্ৰতিবাদ। যাত্ৰীবাহী বাছ, পেট্ৰ'ল ডিজেল চালিত সৰু বাহনৰ লগতে ই-ৰিক্সাসমূহৰ ভাড়া ১০০ শতাংশ বৃদ্ধিৰ বিৰুদ্ধে ছাত্ৰৰ প্ৰতিবাদ।
সম্পূৰ্ণ গান্ধীবাদী আদৰ্শৰে যান-বাহনৰ চালকসকলক ছাত্ৰৰ গাড়ী ভাড়া ৫০ শতাংশ কমাই ল'বলৈ অনুৰোধ জনাই ৰাজপথত ব্যতিক্ৰমী ৰূপত প্ৰতিবাদ ছাত্ৰৰ।
বৰপেটা ৰোডৰ শিমলাগুৰিত B.H কলেজ, GLC কলেজকে ধৰি কেইবাখনো মহাবিদ্যালয়ৰ ছাত্ৰসকলে বাছ, ই-ৰিক্সা আদি বিভিন্ন যানবাহনৰ চালকসকলক ছাত্ৰ-ছাত্ৰীৰ ৫০ শতাংশ ভাড়া ৰেহাইৰ বাবে অনুৰোধ জনায়।
উল্লেখ্য যে শেহতীয়াভাৱে নামনিৰ কেবাখনো জিলাত যান-বাহনৰ ভাড়া ১০০ শতাংশ বৃদ্ধি কৰা হৈছে। ফলত দুখীয়া আৰু মধ্যবিত্ত পৰিয়ালৰ ছাত্ৰ-ছাত্ৰীসকল সমস্যাৰ সন্মুখীন হৈছে।
যদিহে অহা ৫ আগষ্টৰ ভিতৰত ছাত্ৰ-ছাত্ৰীসকলক ভাড়াৰ ক্ষেত্ৰত ৰেহাই প্ৰদান কৰা নহয় তেন্তে তীব্ৰ প্ৰতিবাদী কাৰ্যসূচী গঢ়ি তোলাৰ হুংকাৰ একাংশ ছাত্ৰৰ ।
এইক্ষেত্ৰত ব্যৱস্থা ল'বলৈ মুখ্যমন্ত্ৰী ড০ হিমন্ত বিশ্ব শৰ্মাকো আহ্বান ভাগিনসকলৰ।
Continue Reading
