প্ৰায়ে আমি দেখিছোঁ যে বহুতে দাঁতৰ বিষৰ বাবে অতিশয় চিন্তিত হৈ পৰে। ইয়াৰ আঁৰত কেলচিয়ামৰ অভাৱ, দাঁত ভালদৰে পৰিষ্কাৰ নকৰা, বেক্টেৰিয়াৰ সংক্ৰমণ ইত্যাদি বহুতো কাৰণ থাকিব পাৰে। এনে পৰিস্থিতিত বিষৰ বাবে মানুহে নিজে ঔষধ খাবলৈ আৰম্ভ কৰে, যিয়ে কিছু সময়ৰ বাবে

Listen to Article

2 min read

80%

ডিজিটেল ডেস্কঃ প্ৰায়ে আমি দেখিছোঁ যে বহুতে দাঁতৰ বিষৰ বাবে অতিশয় চিন্তিত হৈ পৰে। ইয়াৰ আঁৰত কেলচিয়ামৰ অভাৱ, দাঁত ভালদৰে পৰিষ্কাৰ নকৰা, বেক্টেৰিয়াৰ সংক্ৰমণ ইত্যাদি বহুতো কাৰণ থাকিব পাৰে। এনে পৰিস্থিতিত বিষৰ বাবে মানুহে নিজে ঔষধ খাবলৈ আৰম্ভ কৰে, যিয়ে কিছু সময়ৰ বাবে সকাহ দিব পাৰে, কিন্তু ই ক্ষতিকাৰক বুলিও প্ৰমাণিত হ’ব পাৰে। কাৰণ অধিক ঔষধে আমাৰ বৃক্কতো প্ৰভাৱ পেলায়। সেইবাবেই আজি আমি আপোনালোকক ক'ম কিছুমান ঘৰুৱা উপায় যাৰ দ্বাৰা আপুনি দাঁতৰ বিষৰ পৰা উপশম পাব পাৰে।

এই ঘৰুৱা সামগ্ৰীৰে দাঁতৰ বিষৰ পৰা মুক্তি পাওক

১) লংঃ দাঁতৰ বিষৰ বাবে লৱণ অতি উপকাৰী বুলি গণ্য কৰা হয়, এই প্ৰতিকাৰ যুগ যুগ ধৰি চলি আহিছে। লঙক আয়ুৰ্বেদিক ঔষধ বুলিও গণ্য কৰা হয়, দাঁতৰ বিষত ই অতি উপকাৰী। দাঁতৰ বিষৰ বাবে দুটাৰ পৰা তিনিটা লং লৈ অলপ থেতেলিয়াই দাঁতৰ তলত ৰাখিব, ই আপোনাক সকাহ দিব।

২) হিংঃ দাঁতৰ বিষৰ বাবে হিঙক সৰ্বোত্তম প্ৰতিকাৰ বুলি গণ্য কৰা হয়। হিং দুটোপাল নেমুৰ ৰসৰ সৈতে মিহলাই তাৰ পিছত সেই পেষ্টটোৰে দাঁতবোৰ মালিচ কৰিলে, আপুনি কিছু সময়ৰ পিছতে সকাহ পাব।

৩) ৰক ছল্টঃ ৰক ছল্ট বা ক’লা নিমখ বহু বস্তুৰ বাবে উপকাৰী বুলি গণ্য কৰা হয়। এনে পৰিস্থিতিত দাঁতৰ বিষৰ বাবে ই এক নিখুঁত প্ৰতিকাৰ। যদি আপুনি দাঁতৰ বিষৰ পৰা পৰিত্ৰাণ পাব বিচাৰে তেন্তে এগিলাচ গৰম পানীত ৰক ছল্ট মিহলাই তাৰ পিছত সেই পানীৰ লগত গাৰ্গল কৰক, দিনটোত কমেও দুই-তিনিবাৰ গাৰ্গল কৰিলে সকাহ পাব।

৪) পিঁয়াজঃ দাঁতৰ বিষ হ’লে পিয়াঁজ ব্যৱহাৰ কৰি সকাহ পাব পাৰে। ইয়াৰ বাবে পিঁয়াজখিনি টুকুৰা টুকুৰকৈ কাটি বিষৰ ফালে ৰাখি ভালদৰে চোবাই খালে সকাহ পাব, বিষত পিঁয়াজৰ ৰস অতি উপকাৰী।