ডিজিটেল ডেস্ক: বিজনীৰ টোলগেটৰ ওচৰত অচিনাকি মৃতদেহ উদ্ধাৰ। বঙাইগাঁও জিলাৰ ২৭ নং ৰাষ্ট্ৰীয় ঘাইপথৰ বিজনীৰ টোলগেটৰ ওচৰত এজন অচিনাকি ব্যক্তিৰ মৃতদেহ উদ্ধাৰ হোৱা ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।
জানিব পৰা অনুসৰি, গেৰুকাবাৰী আৰক্ষী নিৰীক্ষণ চকীৰ আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰে আৰু মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে।
আৰক্ষীয়ে ঘটনাটোক গুৰুত্ব সহকাৰে লৈ তদন্ত আৰম্ভ কৰিছে। মৃতদেহটো চিনাক্তকৰণৰ বাবে ৭২ ঘণ্টা মৰ্গত সংৰক্ষণ কৰি ৰখা হ’ব বুলি আৰক্ষী সূত্রে জানিবলৈ দিছে।
এই সন্দৰ্ভত এতিয়াও অধিক তথ্য পোহৰলৈ অহা নাই, কিন্তু আৰক্ষীয়ে সকলো দিশত তদন্ত অব্যাহত ৰাখিছে।
Continue Reading
