ডিজিটেল ডেস্কঃ ভাৰত বনাম দক্ষিণ আফ্ৰিকাৰ বিৰুদ্ধে ৫খন খেলৰ টি-২০ আন্তঃৰাষ্ট্ৰীয় ছিৰিজত ভাৰতে ২-২ৰে সমতা স্থাপন কৰিবলৈ সক্ষম হৈছে। ৰাজকোটত দক্ষিণ আফ্ৰিকা পৰাস্ত হোৱাৰ পাছত ১৯ জুনত বাংগালুৰুৰ এম চিন্নাস্বামী ষ্টেডিয়ামত যুঁজ দিব ঋষভ পণ্ট বাহিনীয়ে। ৰাজকোটত অনুষ্ঠিত শৃংখলাৰ চতুৰ্থখন খেলত দীনেশ কাৰ্তিকে ২৭টা বলত ৫৫ ৰান সংগ্ৰহ কৰি ‘মেন অৱ দ্য মেচ’ৰ সন্মান লাভ কৰে। ভাৰতে ২০ অ’ভাৰত ৬ উইকেটত ১৬৯ ৰান সংগ্ৰহ কৰে, প্ৰত্যুত্তৰত ৮৭ ৰানতে আটাইকেইটা উইকেট হেৰুৱায় দক্ষিণ আফ্ৰিকাই। ইফালে, ৮২ ৰানত জয়লাভ কৰে ভাৰতে।
মেচখনৰ শেষত দীনেশ কাৰ্তিকে কয়, ‘মোৰ বৰ ভাল লাগিছে। এই চেটআপত মই নিজকে অতি নিৰাপদ অনুভৱ কৰিছো। বিগত মেচসমূহত মোৰ পৰিকল্পনা অনুযায়ী কাম হোৱা নাছিল। কিন্তু, এই মেচখনত মই নিজকে প্ৰকাশ কৰিছো। মই ভাবো, ডিকে-ই এতিয়াও ভাল চিন্তা কৰি আছে আৰু তেওঁ মেচৰ পৰিস্থিতি অতি ভালদৰে পঢ়াৰ লগতে উন্নত অনুশীলনেৰে ইমান দূৰলৈ আহিছে।’
দীনেশ কাৰ্তিকে লগতে কয় যে, ‘নেটত কঠিন বলিংৰ সন্মুখীন হৈ মোক এনেদৰে প্ৰস্তুত কৰা মই মোৰ প্ৰশিক্ষকক ইয়াৰ ক্ৰেডিট দিব বিচাৰো। এই পিটচখন বেটিঙৰ বাবে সহজ নাছিল। বাউণ্ডেৰী হিটিং কৰাটো সহজ নাছিল। আমাৰ অ’পেনাৰসকলে এতিয়ালৈকে ভাল আৰম্ভণি কৰিছে। ক্ৰীজত উপস্থিত হওঁতে হাৰ্দিক পাণ্ডিয়াই মোক চেট কৰিবলৈ সময় উলিয়াবলৈ ক’লে। এই ধৰণৰ পিটচত এজন খেলুৱৈ থাকিব লাগিব। বাংগালুৰু মোৰ বাবে হোম গ্ৰাউণ্ডৰ দৰে। মই তাত আৰচিবিৰ হৈ খেলা নাছিলো কিন্তু তাত বহুত খেল খেলিছিলো।’
ভাৰতীয় দলটোৰ এই প্ৰত্যাৱৰ্তনৰ সৰহভাগ কৃতিত্ব ৰাহুল দ্ৰাবিড়ক দিয়ে দীনেশ কাৰ্তিকে। কাৰ্তিকে কয়, ‘এই শৃংখলাটো শেষলৈ চলি থকাটো ভাল কথা। তৃতীয় আৰু চতুৰ্থখন মেচত ভাৰতে হেঁচাৰ মাজতে যিদৰে প্ৰদৰ্শন আগবঢ়াইছে, সেয়া আছিল এক আনন্দৰ কথা। ইয়াৰ কৃতিত্ব ৰাহুল দ্ৰাবিড়লৈ। তেওঁৰ উপস্থিতিত বহুত শান্তি। ড্ৰেছিং ৰুমৰ পৰিৱেশ যথেষ্ট শান্ত।
’
Continue Reading
