ডিজিটেল ডেস্ক: দুলীয়াজানৰ টিংৰাই বিবেকানন্দ কেন্দ্ৰীয় বিদ্যালয়ৰ এজন সপ্তম শ্ৰেণীৰ ছাত্ৰৰ বিদ্যালয়ৰ ছাত্ৰ আবাসৰ বাথৰূমত আত্মহত্যাৰ প্ৰচেষ্টা। ডিব্ৰুগড় ফৰেনচিক এটা দলৰ তত্ত্বাৱধানত চলি আছে তদন্ত।
ডিব্ৰুগড়ৰ আদিত্য চুপাৰ স্পেচিয়েলিষ্ট হাস্পতালত জীৱন মৰণৰ সৈতে যুঁজি আছে ছাত্ৰজনে। শুকুৰবাৰে আবেলি তিনিমান বজাত বিদ্যালয়খনৰ সপ্তম শ্ৰেণীৰ ছাত্ৰজনে হোষ্টেলৰ বাথৰুমত আত্মহত্যাৰ প্ৰচেষ্টা কৰে ।
জানিব পৰা মতে বিদ্যালয়খনৰ সপ্তম শ্ৰেণীত অধ্যয়ন কৰা ছাত্ৰজনে হোষ্টেলৰ বাথৰুমত ডিঙিত মাফলাৰ লগাই ওলমি থকা প্ৰত্যক্ষ কৰে বিদ্যালয়ৰ হোষ্টেলত থকা একাংশ ছাত্ৰই ।
এই ঘটনাৰ প্ৰত্যক্ষ কৰি আৱাসী ছাত্ৰসকলে চিঞৰ-বাখৰ কৰাত হোষ্টেলৰ ওৱাৰ্ডেন আৰু বিদ্যালয়ৰ কৰ্তৃপক্ষই ছাত্ৰ গৰাকীক উদ্ধাৰ কৰি স্থানীয় অইল চিকিৎসালয়লৈ লৈ যায় যদিও সংকটজনক অৱস্থাত ছাত্ৰজনক ডিব্ৰুগড়ৰ আদিত্য চুপাৰ স্পেচিয়েলিষ্ট হাস্পতাললৈ লৈ যায় ।
আনহাতে এই ঘটনা গাপ দিয়াৰ চেষ্টা বিদ্যালয়ৰ কৰ্তৃপক্ষৰ কিন্তু পৰিয়ালৰ অভিযোগ অনুসৰি এয়া পৰিকল্পিতভাৱে হত্যা কৰিবলৈ চেষ্টা কৰাৰ সন্দেহ । ছাত্ৰজনৰ ঘৰ নাহৰকটীয়া জয়পুৰৰ তাঁতীপথাৰৰ বুলি জানিব পৰা গৈছে। পিতৃৰ নাম চিবু দাস।
Continue Reading
