ডিজিটেল ডেস্কঃ শনিবাৰে ৰাষ্ট্ৰীয় অভিলেখ গঢ়ি ৪১ সংখ্যক এছিয়ান ট্ৰেক চাইক্লিং চেম্পি্য়নশ্বিপত ভাৰতীয় দলক নেতৃত্ব দি দলীয় পাৰছুইট ইভেন্টত ব্ৰঞ্জৰ পদক লাভ কৰিবলৈ সক্ষম হয় অসমৰ চয়নিকা গগৈয়ে। চয়নিকা গগৈৰ সফলতাই কঢ়িয়াই আনিছে আশাৰ ৰেঙনি। নতুন দিল্লীত চলি থকা প্ৰতিযোগীতাখনৰ মহিলাৰ এলিট স্ক্ৰেটছ ৰেচৰ ১০ কিঃমিঃ ইভেণ্টত চয়নিকাই বুধবাৰে ব্ৰঞ্জৰ পদক লাভ কৰে।
এই সফলতাৰ বাবে অসম চাইক্লিং সন্থাৰ সভাপতি হৰমিত সিং আৰু সাধাৰণ সম্পাদক ড০ তপন দাসে চয়নিকাক জনাইছে অভিনন্দন। স্বাভাৱিকতে অসমত প্ৰতিনিধিত্ব কৰি এইদৰে সফলতা আজুৰি অনা কথাতো ৰাজ্যবাসীৰ বাবে গৌৰৱৰ বিষয়। চয়নিকাৰ সাফল্যত উচ্ছসিত অসমৰ জনসাধাৰণৰ লগতে তেওঁৰ শুভাকাংক্ষীসকলে শুভেচ্ছা বাৰ্তাৰে উফচাই দিছে চয়নিকাক।
Continue Reading
