এই ২দিনত কেতিয়াও তুলসী গছত পানী আগবঢ়াব নালাগে, নহ’লে অসন্তুষ্ট হৈ পৰে মালক্ষ্মী

ডিজিটেল ডেস্ক : সনাতন ধৰ্মত তুলসী গছক পৱিত্ৰ বুলি গণ্য কৰা হয়। সেইবাবেই ঘৰত তুলসী গছ ৰোপণ কৰি পুৱা-গধূলি পানী আগবঢ়োৱা হয়। পুৱা গা ধুই তুলসী গছত পানী আগবঢ়ালে মালক্ষ্মীৰ অপৰিসীম আশীৰ্বাদ পোৱা যায়, কাৰণ তুলসীক মালক্ষ্মীৰ ৰূপ বুলি ধৰা হয়। কিন্তু ধৰ্মশাস্ত্ৰত তুলসী পূজা আৰু পানী আগবঢ়োৱাৰ কিছু নিয়ম আছে। তুলসী গছৰ বাবে দিয়া নিয়ম অনুসৰি এমাহৰ ভিতৰত এই দিনকেইটাত তুলসী গছত পানী আগবঢ়াব নালাগে।

 ধৰ্মগ্ৰন্থ অনুসৰি দেওবাৰে কেতিয়াও তুলসী গছত পানী আগবঢ়াব নালাগে। বিশ্বাস কৰা হয় যে তুলসী মায়ে দেওবাৰে ভগৱান বিষ্ণুৰ বাবে নিৰ্জলা ব্ৰত পালন কৰে। গতিকে দেওবাৰৰ দিনা তুলসী গছত পানী ঢালিলে তুলসী মাৰ নিৰ্জলা ব্ৰত ভংগ হয়। ইয়াৰ ফলত মালক্ষ্মীৰ অসন্তুষ্ট হৈ পৰে।

 দ্বিতীয়তে হিন্দু পঞ্জিকা অনুসৰি একাদশী তিথি প্ৰতি মাহৰ কৃষ্ণ পক্ষ আৰু শুক্ল পক্ষত পৰে। এইদৰে প্ৰতিমাহে ২টা একাদশী তিথি আৰু বছৰত ২৪টা একাদশী তিথি হয়। সকলো একাদশী দিনটো ভগৱান বিষ্ণুৰ বাবে উৎসৰ্গিত। যিহেতু মাতুলসী ভগৱান বিষ্ণুৰ অতি প্ৰিয়, সেয়েহে তুলসী মাতাই সকলো একাদশীতে ভগৱান শ্ৰীহৰিৰ বাবে নিৰ্জলা ব্ৰত পালন কৰে। সেইবাবেই একাদশীৰ দিনটোতো তুলসী গছত পানী আগবঢ়াব নালাগে। দেওবাৰ আৰু একাদশীত যদি তুলসী গছত পানী আগবঢ়োৱা হয়, তেন্তে তুলসী গছ শুকাই যায়, লগতে মালক্ষ্মী আৰু ভগৱান বিষ্ণুৰ অসন্তুষ্টিয়ে জীৱনলৈ আৰ্থিক সমস্যা নমাই আনে।