এই ৫টা লক্ষণে দিব পাৰে কেন্সাৰৰ সংকেত, দেখা মাত্ৰকে সাৱধান হওক

ডিজিটেল ডেস্ক : কৰ্কট ৰোগ এনেকুৱা এটা ৰোগ যাৰ লক্ষণ চিনাক্ত কৰাটো অতি কঠিন। এই ৰোগৰ লক্ষণসমূহ দেখা যায় যেতিয়া ই সম্পূৰ্ণৰূপে শৰীৰত বিয়পি পৰে। কিন্তু শৰীৰৰ কিছুমান দৃশ্যমান পৰিৱৰ্তনৰ ওপৰত নজৰ ৰাখিলে আপুনিও অতি সোনকালে এই ৰোগ ধৰা পেলাব পাৰে। কেতিয়াবা কেতিয়াবা নিশা অত্যধিক ঘাম ওলোৱাটো লিউকেমিয়া আৰু লিম্ফোমাকে ধৰি বহু ধৰণৰ কেন্সাৰৰ লক্ষণ হ’ব পাৰে। কিন্তু নিশা ঘাম ওলোৱাৰ আন বহুতো কাৰণ থাকিব পাৰে, যেনে- সংক্ৰমণ, কিছুমান ঔষধ বা ৰজোনিবৃত্তি।

যিহেতু কেন্সাৰ এক নীৰৱ ঘাতক, গতিকে শৰীৰৰ সৰু সৰু সমস্যা এটাকো আওকাণ কৰা উচিত নহয়। সেয়েহে আজি আমি কেন্সাৰৰ এনে কিছুমান লক্ষণৰ বিষয়ে জানিম, যিবোৰ সাধাৰণতে নিশা ভাগত দেখা দিয়ে। যদি আপুনি এই লক্ষণসমূহ দেখা পায় তেন্তে চিকিৎসকৰ ওচৰলৈ যোৱাত পলম নকৰিব।

কেন্সাৰৰ এই লক্ষণসমূহ নিশা ভাগত দেখা দিয়ে-

১) শৰীৰৰ যিকোনো অংশৰ অপ্ৰয়োজনীয় বিষ কেতিয়াও আওকাণ নকৰিব। কাৰণ বিষে শৰীৰত কিবা এটা ভুল হোৱাটো সূচায়। যদি শৰীৰত বিষ অনুভৱ কৰি আছে তেন্তে তৎক্ষণাত চিকিৎসকৰ পৰামৰ্শ গ্ৰহণ কৰক, কাৰণ যদি কোনো ৰোগৰ বাবে হয়, তেন্তে সময়ৰ আগতে গম পোৱাৰ লগতে চিকিৎসকৰ পৰামৰ্শ গ্ৰহণ কৰিব পাৰিব।

২) যদি কোনো কাৰণ নোহোৱাকৈয়ে নিজে নিজে ওজন হ্ৰাস পায়, তেন্তে ইয়াক সহজভাৱে নল’ব। কাৰণ কেতিয়াবা কোনো ৰোগত ভুগি থকা লোকৰ ওজন কমিবলৈ আৰম্ভ কৰে। থাইৰয়ডৰ সমস্যা আৰু কেন্সাৰৰ বাবেও ওজন হ্ৰাস হ’ব পাৰে। এই কাৰণেই হঠাৎ ওজন কমিলে চিকিৎসকৰ কাষ চাপক।

৩) গাঁঠি ফুলা আৰু বিষ এনেকুৱা এটা লক্ষণ, যিটো কেন্সাৰ ৰোগীৰ ক্ষেত্ৰত বেছিকৈ দেখা যায়। বেছিভাগ ৰোগীয়ে কেৱল শৰীৰৰ গাঁঠিৰ বাবেহে কেন্সাৰ ৰোগত আক্ৰান্ত হয়। যদি আপুনি আপোনাৰ শৰীৰৰ কোনো অংশত বিষ অনুভৱ কৰিছে, তেন্তে লগে লগে চিকিৎসকৰ ওচৰত পৰীক্ষা কৰাওক। কাৰণ ই কেন্সাৰৰ লক্ষণো হ’ব পাৰে। ইয়াৰ উপৰি শৰীৰৰ যিকোনো অংশত ফুলাটোও কেন্সাৰৰ লক্ষণ হ’ব পাৰে।

৪) কোনো কাৰণ নোহোৱাকৈ প্ৰস্ৰাৱ-পাইখানা বা বমিত তেজ ওলেৱাটো সাধাৰণ কথা নহয়। ই কোনো বিপজ্জনক ৰোগ বা কৰ্কট ৰোগৰ লক্ষণ হ’ব পাৰে।

৫) ছালৰ কিছু পৰিৱৰ্তনে কেন্সাৰৰ ইংগিত দিব পাৰে, যেনে-ঘা গঠন, অদ্ভুত তিলৰ জন্ম, ছালৰ ৰং বা আকাৰৰ পৰিৱৰ্তন, খজুৱতি বা ৰক্তক্ষৰণ ইত্যাদি। তেনে লক্ষণ দেখা পালে লগে লগে চিকিৎসকৰ লগত যোগাযোগ কৰক।