ডিজিটেল ডেস্কঃ অহা ২২ মার্চত আৰম্ভ হ'ব আই পি এল। ঐশ্বর্যশালী প্রতিযোগিতাখনত প্রথম দিনাই খেলপথাৰত নামিব বিৰাট কোহলীৰ ৰয়েল চেলেঞ্জাৰ্ছ বেংগালুৰু (আৰ চি বি)। সিদিনাৰ পৰাই আই পি এলত প্রথম খিতাপ তুলি ধৰাৰ অভিযানত নামিব আৰ চি বি।
তাৰ মাজতে এইবাৰৰ আই পি এলত ব্যক্তিগতভাৱে একাধিক অভিলেখ প্রতিষ্ঠাৰ সুযোগ লাভ কৰিব কোহলীয়ে। পিছে পৰিসংখ্যাৰ দিশেৰে কোহলীক আই পি এলৰ সবাতোকৈ সফল ক্রিকেটাৰ হিচাপে অনেকেই চিহ্নিত কৰিব খোজে।
এইবাৰ কোহলীয়ে ইনিংছ খেলাৰ ৰেকৰ্ড গঢ়িবলৈ সক্ষম হ'ব। সেই তালিকাত ৬৬টা অর্ধ-শতৰানেৰে শীৰ্ষত আছে ডেভিদ ৱার্নাৰ। কোহলীয়ে আৰু তিনিটা অর্ধ-শতৰান গোটাব পাৰিলেই ৱাৰ্নাৰৰ অভিলেখ ভংগ কৰিব পাৰিব। আনহাতে, ফিল্ডাৰ হিচাপে সর্বাধিক কেচ ধৰাৰ ৰেকৰ্ড প্রতিষ্ঠা কৰিব পাৰিব তাৰকা বেটাৰগৰাকীয়ে। এই পর্যন্ত সেই ৰেকৰ্ডৰ গৰাকী হৈ আছে এ বি ডে ভিলিয়াছ (১১৮টা কেচ)। কোহলীক সেই (১১৪) ৰেকৰ্ড ভাঙিবলৈ আন ৫টা কেচৰ প্ৰয়োজন আছে। যোৱা ছিজনত কোহলীয়ে ৮টা কেচ আয়ত্ত কৰিছিল। ইফালে, আই পি এলত ১০০০ বাউণ্ডেৰী কোবোৱা প্ৰথমগৰাকী ক্রিকেটাৰ হোৱাৰ গৌৰৱ অৰ্জনৰ পথত আগুৱাই আছে কোহলী।
সম্প্রতি তেওঁৰ নামত আছে ৯৭৭টা বাউণ্ডেৰী। ইয়াৰ মাজত আছে ৭০৫টা চাৰি আৰু ২৭২টা ছিক্সাৰ। কোহলীক প্রয়োজন আন ২৩ চাৰিৰ। ইয়াৰ উপৰি টি-২০ সংস্কৰণত ১৩,০০০ ৰান কৰা প্ৰথমগৰাকী ভাৰতীয় ক্রিকেটাৰ হোৱাৰ সুযোগ লাভ কৰিছে কোহলীয়ে। আন্তঃৰাষ্ট্ৰীয় টি-২০ ক্রিকেটৰ পৰা অৱসৰ লোৱাৰ পাছত সেই ৰেকৰ্ড স্থাপনৰ বাবে আই পি এলেই ভৰসা কোহলীৰ বাবে। এইবাৰৰ আই পি এলত ২৯৩ ৰান কৰিলেই ৰেকৰ্ডৰ গৰাকী হ'ব কোহলী।
উৎস- দৈনিক জনমভূমি
Continue Reading
