ডিজিটেল ডেস্কঃ দিল্লীৰ মেট্ৰ’ ট্ৰেইনত গভীৰ চুম্বনত লিপ্ত হৈ আছিল এহাল যুৱক-যুৱতী। এই চুম্বনৰ ভিডিঅ’ এতিয়া ভাইৰেল হৈ পৰিছে। Bhagat S Chingsubam নামৰ এটা টুইটাৰ হেণ্ডলত শ্বেয়াৰ কৰা এই ছুটি ভিডিঅ’ ক্লীপে চাঞ্চল্যৰ সৃষ্টি কৰিছে ছ’চিয়েল মিডিয়াৰ লগতে দেশৰ ৰাজধানী দিল্লীত। ছুটি ভিডিঅ’ ক্লীপটোত দেখা গৈছে এহাল যুৱক-যুৱতীয়ে দিল্লীৰ মেট্ৰ’ ট্ৰেইনত গভীৰ চুম্বনত লিপ্ত হৈ আছে। টুইটাৰত উল্লেখ কৰা মতে হুদা চিটি চেণ্টাৰলৈ যোৱা দিল্লী মেট্ৰ’ৰ য়েল্ল’ লাইনত এই কাণ্ড সংঘটিত হৈছিল। এই ঘটনাটো যোৱা ১৭ জুনত সংঘটিত হৈছিল।
ভিডিঅ’ ক্লীপটো টুইটাৰত শ্বেয়াৰ কৰা ইউজাৰগৰাকীয়ে সামাজিক স্থানত এয়া অতি আপত্তিজনক কাৰ্য বুলি দাবী কৰে। ৰাজহুৱা স্থানত মুকলিকৈ চুম্বনত লিপ্ত থকা যুৱক-যুৱতীহালৰ বিৰুদ্ধে শাস্তিমূলক ব্যৱস্থা লবলৈ তেওঁ আহ্বান জনায়।
দিল্লী মেট্ৰ’, দিল্লী আৰক্ষী আৰু মুখ্যমন্ত্ৰী অৰবিন্দ কেজৰিৱালক টেগ কৰি শীঘ্ৰেই ব্যৱস্থা গ্ৰহণৰ দাবী জনাইছে ইউজাৰগৰাকীয়ে। মেট্ৰ’ কৰ্তৃপক্ষই এই টুইটটোত সঁহাৰি জনায়। এই টুইটটোৰ সন্দৰ্ভত কৰ্তৃপক্ষই অভিযুক্ত যুৱক-যুৱতীহালৰ সন্ধান লাভ কৰা নাই বুলি প্ৰকাশ কৰিছে। মুকলিকৈ চুম্বনত লিপ্ত থকা যুৱক-যুৱতীহালৰ সন্ধান উলিয়াব নোৱাৰি দুখ প্ৰকাশ কৰিছে মেট্ৰ’ কৰ্তৃপক্ষই।
Continue Reading
