ডিজিটেল ডেস্কঃ কৰ্মচাৰী ভৱিষ্য নিধি সংগঠন (EPFO) এ ইয়াৰ কোটি কোটি সদস্যৰ বাবে এক ডাঙৰ ঘোষণা কৰিছে।
এতিয়াৰে পৰা পিএফৰ টকা উলিওৱাৰ বাবে গ্ৰাহকে কেইবাদিনো অপেক্ষা কৰিব নালাগে। নতুনকৈ কাৰ্যকৰী কৰিবলৈ লোৱা 'EPFO 3.0' ব্যৱস্থাৰ অধীনত এতিয়াৰে পৰা ATM আৰু UPI ব্যৱহাৰ কৰিও পিএফৰ ধন উলিয়াব পৰা যাব।
প্ৰধানমন্ত্ৰীৰ ডিজিটেল ইণ্ডিয়া অভিযানৰ সৈতে সংগতি ৰাখি পিএফ সেৱাক অধিক সৰলীকৰণ কৰিবলৈ এই পদক্ষেপ গ্ৰহণ কৰা হৈছে।
তৎক্ষণিক ধন উলিওৱা : আগতে পিএফৰ টকা একাউণ্টত জমা হ’বলৈ ১০ৰ পৰা ১৫ দিন সময় লাগিছিল। এতিয়াৰে পৰা ইউপিআইৰ জৰিয়তে আবেদন কৰিলে মাত্ৰ কেইঘণ্টামানৰ ভিতৰতে ধন লাভ কৰিব।
ATM কার্ডৰ সুবিধা: ইডিএফঅ’ই জনোৱা মতে, পিএফ একাউণ্টক এতিয়া এটা সাধাৰণ চেভিংছ বেংক একাউণ্টৰ দৰেই ব্যৱহাৰ কৰিব পৰা যাব। ইয়াৰ বাবে বিশেষ কাৰ্ডৰ সুবিধাও প্ৰদান কৰা হ’ব পাৰে।
অটো ট্ৰেন্সফাৰ (Auto Transfer): চাকৰি সলনি কৰিলে এতিয়াৰে পৰা পিএফ একাউণ্ট ট্ৰেন্সফাৰ কৰাৰ বাবে ফৰ্ম ১৩ জমা দিয়াৰ প্ৰয়োজন নাই। নতুন ব্যৱস্থাত এয়া স্বয়ংক্ৰিয়ভাৱে সম্পন্ন হ’ব।
কেনেকৈ কাম কৰিব এই ব্যৱস্থাই?
১. গ্ৰাহকৰ UAN নম্বৰৰ সৈতে আধাৰ আৰু মোবাইল নম্বৰ লিংক থকাটো বাধ্যতামূলক।
২. Umang App বা EPFO-ৰ অফিচিয়েল পৰ্টেলত গৈ ইউপিআই আইডি (UPI ID) ভেৰিফাই কৰিব লাগিব।
৩. কিউ আৰ ক’ড (QR Code) স্কেন কৰিও কিছুমান নিৰ্দিষ্ট সেৱাৰ বাবে এটিএমৰ পৰা নগদ ধন সংগ্ৰহ কৰিব পৰা যাব।
বিশেষ দ্রষ্টব্য: এই সুবিধা বিশেষকৈ চিকিৎসা, শিক্ষা বা বিবাহৰ দৰে জৰুৰীকালীন অগ্ৰিম (Advance PF) উলিওৱাৰ ক্ষেত্ৰত অধিক ফলপ্ৰসূ হ’ব।
চৰকাৰী সূত্ৰৰ মতে, পিএফ উলিওৱাৰ নামত হোৱা দুৰ্নীতি আৰু লেহেমীয়া প্ৰক্ৰিয়া বন্ধ কৰিবলৈ কেন্দ্ৰীয় শ্ৰম মন্ত্ৰালয়ে এই উন্নত প্ৰযুক্তিৰ ব্যৱহাৰ কৰিছে। ইয়াৰ ফলত বিশেষকৈ ব্যক্তিগত খণ্ডত কাম কৰা কৰ্মচাৰীসকল অধিক উপকৃত হ’ব।
Continue Reading
