ডিজিটেল ডেস্কঃ শেহতীয়াকৈ ইলেক্ট্ৰিক বেটাৰীচালিত বাহনৰ কদৰ বাঢ়িছে। তালৈ লক্ষ্য ৰাখি হায়দৰাবাদস্থিত ইলেক্ট্ৰিক দুচকীয়া বাহন নিৰ্মাতা কোম্পানী 'পিউৰ ইভি’য়ে শেহতীয়াকৈ মুকলি কৰিছে এখনি বিশেষ স্কুটাৰ। স্কুটাৰখনৰ নাম- ইপ্লুটো ৭জি প্ৰ’ ইলেক্ট্ৰিক স্কুটাৰ। লক্ষ্যণীয়ভাৱে স্কুটাৰখনৰ দাম এক লাখ টকাতকৈ কম। ইতিমধ্যেই বাহনৰ্খনৰ বুকিংও মুকলি কৰা হৈছে।
গ্ৰাহকে অফিচিয়েল ডিলাৰশ্বিপৰ জৰিয়তে এই স্কুটীখন বুকিং কৰিব পাৰিব আৰু ইয়াৰ ডেলিভাৰীও অতি সোনকালে আৰম্ভ কৰা হ’ব।
উল্লেখ্য যে এই ePluto 7G Pro ইলেক্ট্ৰিক স্কুটাৰ তিনিটা ৰঙত উপলব্ধ। ক’লা, ধূসৰ আৰু বগা। ৰেট্ৰ’ লুকৰ সৈতে এই ইলেক্ট্ৰিক স্কুটাৰত আছে এল ই ডি হেডলেম্পৰ লগতে ঘূৰণীয়া এল ই ডি ডি আৰ এল।
ePluto 7G Pro ইলেক্ট্ৰিক স্কুটাৰখন AIS 156 প্ৰমাণিত 3kWh বেটাৰীৰ দ্বাৰা চালিত। লগতে বাহনখনত আছে ১.৫ কিলোৱাট ইলেক্ট্ৰিক মটৰ।
এই স্কুটাৰখনে ১০০ৰ পৰা ১৫০ কিলোমিটাৰ দূৰত্বৰ ৰেঞ্জ দিবলৈ সক্ষম। যিটো Ola S1 Air য়ে দাবী কৰা ৰেঞ্জতকৈ বেছি। ইয়াৰ উপৰিও ইয়াত তিনিটা ৰাইডিং মোডৰ ব্যৱস্থা আছে। এপ্লুটো ৭জি প্ৰ’ ইলেক্ট্ৰিক স্কুটাৰৰ এক্স শ্ব’ৰুম মূল্য ৯৪,৯৯৯ টকা।
Continue Reading
