ডিজিটেল ডেস্কঃ ‘দ্য সাবৰমতী ৰিপ’ৰ্ট’ এখন ৰাজনৈতিক নাট্য ছবি। এই ছবিখনত সমৰ কুমাৰৰ চৰিত্ৰত অভিনয় কৰিছে বিক্ৰান্ত মেছিয়ে। ছবিখনত ৰাশী খান্নাই অমৃতা গিলৰ চৰিত্ৰত অভিনয় কৰিছে আৰু ৰিদ্ধি ডোগ্ৰাই মণিকা ৰাজপুৰোহিতৰ চৰিত্ৰত অভিনয় কৰিছে৷ এই ছবিখন দেশৰ আটাইতকৈ ডাঙৰ ঘটনা গোধৰা কাণ্ডৰ আধাৰত। প্ৰধানমন্ত্ৰী মোদীয়েও এই ছবিখন উপভোগ কৰিছিল আৰু ইয়াৰ শলাগ লৈছিল।
অৱশ্যে বক্স অফিচত ‘দ্য সাবৰমতী ৰিপ’ৰ্ট’ৰ প্ৰদৰ্শন হতাশাজনক আছিল। কিন্তু এতিয়া ছবিখন অ’টিটিত মুক্তি পাবলৈ গৈ আছে। ‘দ্য সাবৰমতী ৰিপ’ৰ্ট’ কেতিয়া আৰু ক’ত মুক্তি পাব জানো আহক ৷
২০২৪ চনৰ ১৫ নৱেম্বৰত ছবিগৃহত মুক্তি পাইছিল ‘দ্য সাবৰমতী ৰিপ’ৰ্ট’। এই ছবিখনে দৰ্শক আৰু সমালোচক উভয়ৰে পৰা মিশ্ৰিত সহাৰি লাভ কৰিছিল। এতিয়া এই ছবিখন অ’টিটিত মুক্তি পাবলৈ গৈ আছে। এক প্ৰতিবেদন অনুসৰি ২০২৫ চনৰ ১০ জানুৱাৰীত ZEE5 ত প্ৰিমিয়াৰ হ’ব বিক্ৰান্ত মেছি অভিনীত দ্য সাবৰমতী ৰিপ’ৰ্ট। ধীৰাজ সাৰ্নাৰ পৰিচালনাত নিৰ্মিত এই ছবিখন ২০০২ চনত সবৰমতী এক্সপ্ৰেছৰ সৈতে জড়িত গোধৰা ৰেল জ্বলন ট্ৰেজেডীৰ আধাৰত নিৰ্মিত। অৱশ্যে এই ছবিখনৰ অ’টিটিত মুক্তিৰ সন্দৰ্ভত এতিয়াও আনুষ্ঠানিকভাৱে একো ঘোষণা কৰা নাই নিৰ্মাতাসকলে।
Continue Reading
