ডিজিটেল ডেস্ক: অনুষ্কাৰ কোলা শুৱনি কৰিবলৈ আৰু বিৰাটৰ মন জুৰাবলৈ তেওঁলোকৰ দ্বিতীয়টো সন্তানে অচিৰেই দেখিব পৃথিৱীৰ প্ৰথম পোহৰ৷ যোৱা বছৰ অনুষ্কা শৰ্মা আৰু তেওঁৰ স্বামী, ক্ৰিকেট তাৰকা বিৰাট কোহলীয়ে তেওঁলোকৰ দ্বিতীয় সন্তানৰ আশা কৰিছিল বুলি বাতৰি পোৱা গৈছিল।
শেহতীয়াকৈ ক্ৰিকেটাৰ তথা তেওঁলোকৰ বন্ধু এবি ডে ভিলিয়াৰ্চে পুৰণি গুজৱটো নিশ্চিত কৰি কয় যে বিৰাট তেওঁৰ পৰিয়ালৰ সৈতে থকাকৈ বিৰতি লৈ আহিছে আৰু এতিয়া অনুৰাগীসকলে অপেক্ষা কৰিব লাগিব৷
অনুষ্কা শৰ্মাই ক্ৰিকেটাৰ-স্বামী বিৰাট কোহলীৰ সৈতে তেওঁলোকৰ দ্বিতীয়টো সন্তানক আদৰণি জনোৱাৰ বাবে সাজু হৈছে। এই খবৰটো এবি ডে ভিলিয়াৰ্চে নিশ্চিত কৰিছে৷
ভিলিয়াৰ্চে শেহতীয়া এক সাক্ষাৎকাৰত বিৰাট কোহলীৰ সৈতে তেওঁৰ বাৰ্তা-বিনিময়ৰ বিষয়ে কথা পাতিছিল আৰু নিশ্চিত কৰিছিল যে ভাৰতৰ প্ৰাক্তন অধিনায়ক আৰু তেওঁৰ অভিনেতা-পত্নী অনুষ্কা শৰ্মাই তেওঁলোকৰ দ্বিতীয়টো সন্তান আশা কৰিছে৷
তেওঁ কয়, মই বিৰাটৰে কুশলবাৰ্তা বিনিময় কৰিছিলোঁ৷ আৰু বিৰাটে কৈছিল যে তেওঁ কুশলে আছে৷ আৰু এই মুহূৰ্তত মাত্ৰ তেওঁ তেওঁৰ পৰিয়ালৰ সৈতে থাকিব লাগিব বুলি সদৰী কৰিছিল৷
বিৰাটে ভিলিয়াৰ্চক লগতে কৈছিল, এয়া মোৰ পাৰিবাৰিক সময় আৰু সময়খিনিও মোৰ বাবে গুৰুত্বপূৰ্ণ।
অৱশ্যে, এবি ডেই যদিও এই খবৰ ৰাজহুৱা কৰিছে, তথাপি বিৰাট-অনুষ্কাই এই খবৰ নিশ্চিত কৰা নাই।
Continue Reading
