ডিজিটেল ডেস্কঃ নেশ্যনেল পেমেন্ট কৰ্প'ৰেশ্যন ইণ্ডিয়াই (এন পি চি আই) টোল কৰ আৰু ফাষ্টেগ নিয়মৰ কিছুমান সালসলনি কৰিছে। এই নতুন নিয়মসমূহ আজিৰ পৰা কাৰ্যকৰী কৰা হ'ব।
এন পি চি আইৰ মতে, ইয়াৰ জৰিয়তে টোল কৰ আদায় কৰাটো সহজ কৰি তুলিবলৈ বিচৰা হৈছে। লগতে টোল বুথত যান-বাহনৰ চলাচলো সুচল হৈ পৰিব। নতুন নিয়ম অনুসৰি, যদি ফাষ্টেগ 'ৰীড' হোৱাৰ এঘণ্টা আগতে বা ৰীড হোৱাৰ দহ মিনিটৰ পাছলৈকে ব্লেক লিস্টেড হৈ থাকে তেতিয়া টোল কৰ সংগ্ৰহ অগ্রাহ্য কৰা হ'ব। ইয়াৰ লগতে ফাষ্টেগ বেলেন্স কম হ'লে বা কোনো কাৰণত ফাষ্টেগ ব্লক হৈ থাকিলেও টোল প্লাজাত টোল কৰ সংগ্ৰহ অগ্রাহ্য কৰা হ'ব। এই নিয়মসমূহ অৱহেলা কৰা যান-বাহনৰ মালিকে জৰিমনাৰ ৰূপত দুগুণ টোল কৰ দিব লাগিব।
এই নতুন নিয়মৰ অধীনত গাড়ীৰ মালিকে তেওঁৰ গাড়ীৰ ফাষ্টেগত জমা থকা ধনৰ বিষয়ে আগতীয়াকৈ জানিব পাৰিব আৰু সময়মতে ফাষ্টেগ ৰিচাৰ্জ কৰাত সুবিধা হ'ব।
উল্লেখযোগ্য যে ফাষ্টেগ ৰীড হোৱাৰ এঘণ্টাৰ আগতে বা ৰীড হোৱাৰ দহ মিনিটৰ পাছলৈকে ব্লেক লিষ্টেড হৈ থকাৰ কাৰণ হ'ল ফাষ্টেগত জমা ধন কম থকা বা কোনো কাৰণত ফাষ্টেগ ব্লক হৈ থকা।
(উৎসঃ দৈনিক জনমভূমি)
Continue Reading
