ডিজিটেল ডেস্কঃ সাত জনমলৈ এক হৈ থাকিম বুলি হোমৰ গুৰিত সাক্ষী কৰি লৈ অনা কইনাজনীয়ে দৰাক কৰিলে প্ৰতাৰণা৷ শহুৰৰ ঘৰত কইনা প্ৰবেশ কৰাৰ পাছতেই ঘটিল অথন্তৰ৷ উত্তৰ প্ৰদেশৰ মহাৰাজগঞ্জত সংঘটিত হৈছে এক চাঞ্চল্যকৰ ঘটনা৷ লাখ লাখ টকাৰ গহনা লৈ কইনাৰ পলায়ন৷ এতিয়া দৰাজনে থানালৈ তাত বাতি কাঢ়ি থাকিবলগীয়া হৈছে। বৰ্তমান তেওঁ কইনাৰ বিৰুদ্ধে এজাহাৰ দাখিল কৰিছে। আৰক্ষীয়ে কইনাৰ সন্ধান আৰম্ভ কৰিছে।
গোটেই ঘটনাটো মহাৰাজগঞ্জৰ ঘুঘলী থানা এলেকাৰ ৰামপুৰ বলদিহাৰ। ইয়াৰে বাসিন্দা মনীষৰ বিবাহ ৭ ফেব্ৰুৱাৰীত কোঠীভাৰ থানা এলেকাৰ এগৰাকী যুৱতীৰ সৈতে সম্পন্ন হয়। ১০ ফেব্ৰুৱাৰীত কইনাজনী শহুৰেকৰ ঘৰলৈ আহে। ঘৰৰ ভিৰ-ভাৰৰ বাবে দৰাৰ ভনীয়েকে নিজৰ গহনা আদি কইনাৰ কোঠাত ৰাখিছিল।
বিয়াত পত্নীক ৩.৫ লাখ টকাৰ গহনা দিছিল বুলি স্বামীয়ে জনাইছে। ইয়াৰ লগতে সেই কোঠাত প্ৰায় ২.৫ লাখ টকাৰ গহনা তেওঁৰ ভগ্নীৰ আছিল। এই সকলোবোৰ গহনা লৈ নতুন কইনা পলাই যায়। আৰক্ষীক দিয়া এজাহাৰত স্বামীয়ে লিখিছে যে ১১ ফেব্ৰুৱাৰীৰ নিশা প্ৰায় ৮ বজাত সকলোৱে ঘৰতে খাদ্যৰ ব্যৱস্থা কৰাত ব্যস্ত হৈ পৰিছিল, কইনাগৰাকীয়ে তাৰে সুযোগ গ্ৰহণ কৰি কোঠাটোত ৰখা সকলো গহনা চুৰি কৰি পলায়ন কৰে।
গোটেই নিশা কইনাগৰাকীৰ সন্ধান কৰা হয় যদিও ক’তো পোৱা নগ’ল, সেয়েহে আৰক্ষীৰ ওচৰত এজাহাৰ দাখিল কৰা হয়। কইনাৰ পিতৃ-মাতৃয়েও তেওঁৰ কথা নাজানো বুলি কয়। এই ঘটনাত কইনাৰ পৰিয়ালৰ লোক জড়িত থকাৰ অভিযোগ উত্থাপন কৰিছে স্বামীয়ে।
বৰ্তমান অভিযোগৰ ভিত্তিত গোচৰ পঞ্জীয়ন কৰি অধিক ব্যৱস্থা গ্ৰহণ কৰিছে আৰক্ষীয়ে।
Continue Reading
