ডিজিটেল ডেস্কঃ পেটিএম পেমেণ্টবেংকৰ (পিপিবিএল) ওপৰত নিয়ন্ত্ৰণ নিশ্চিত কৰিবলৈ আৰবিআইৰ নিৰ্দেশৰ পিছতে পেটিএমৰ বাবে বহু সমস্যাৰ সৃষ্টি হৈছে। এতিয়া ফাষ্টটেগ প্ৰদান কৰা ৩২ টাকৈ বেংকৰ তালিকাত নাই পেটিএমৰ নাম। গতিকে পেটিএম ব্যৱহাৰ কৰি এতিয়া আৰু কোনেও উক্ত ৩২ চা বেংকৰ পৰা ফাষ্টটেগ ক্ৰয় কৰিব নোৱাৰিব।
শেহতীয়া খবৰ অনুসৰি ঘাইপথ টোল কৰ্তৃপক্ষই নতুন ফাষ্টটেগ জাৰি কৰিব পৰা কৰ্তৃত্বপ্ৰাপ্ত বেংকৰ তালিকাৰ পৰা পেটিএম পেমেণ্ট বেংকৰ নাম আঁতৰাই দিছে। পথ ঘাইপথ টোল কৰ্তৃপক্ষই পৰামৰ্শ দিছে যে ব্যৱহাৰকাৰীসকলে অনুমোদিত বেংকৰ পৰাহে ফাষ্টটেগ ল'ব লাগিব।
ইতিমধ্যে ৩২ টা বেংকৰ এখন তালিকা নিৰ্ধাৰণ কৰি দিয়া হৈছে। ২০ মিলিয়নতকৈও অধিক পেটিএম ফাষ্টটেগ ব্যৱহাৰকাৰীয়ে এতিয়া নতুন আৰএফআইডি ষ্টিকাৰ গ্ৰহণ কৰিব লাগিব। ভাৰতীয় ৰিজাৰ্ভ বেঙ্কে কেইদিনমান পূৰ্বে পেটিএম পেমেণ্ট বেংকক (পিপিবিএল) বহু কেইটা গুৰুত্বপূৰ্ণ নিৰ্দেশনা জাৰি কৰিছিল ।পেটিএম পেমেণ্ট বেংকে ৰিজাৰ্ভ বেংকৰ বহু নিৰ্দেশনা মানি নচলাৰ বাবেই ৰিজাৰ্ভ বেংকে পেটিএম পেমেণ্ট বেংকৰ বিৰুদ্ধে কঠোৰ ব্যৱস্থা গ্ৰহণ কৰিছে।
Continue Reading
