ডিজিটেল ডেস্ক: কুকুৰ শৃগাল গদ্দৰ্ভৰো আত্মা ৰাম
জানিয়া সৱাকো পৰি কৰিবা প্ৰণাম...
-মহাপুৰুষ শ্ৰীমন্ত শংকৰদেৱ
বনৰীয়া বা পোহনীয়া জীৱৰ সৈতে হওক মানুহৰ সৈতে এক নিবিড় সম্পৰ্ক আছে৷ মানুহৰ দৰে এই জীৱবোৰো মৰম আকলোৱা...মানুহৰ দৰে সিহঁতেও বুজি পায় মৰম আদৰ! সিহঁতেও অনুভৱ কৰে দুখ -কষ্ট! তেনে এক হৃদয় স্পৰ্শী কাহিনীয়ে সৰ্বত্ৰ চৰ্চা লাভ কৰিছে৷এই আৱেগৰ ওচৰত সকলো নতজানু...গৰাকীৰ মৃত্যু হোৱা ঠাইত চাৰিদিন একেথৰেই ৰৈ থাকিল পোহনীয়া কুকুৰটো, ভাবিছিল মানুহজন উভতি আহিব কিন্তু, অপেক্ষাৰ সিপাৰে পৃথিৱীৰ মায়া এৰি গুচি গ’ল তাৰ গৰাকী৷
শেহতীয়া খবৰ অনুসৰি ৰাছিয়াৰ এটা কুকুৰে নিজৰ গৃহস্থৰ প্ৰতি দেখুৱা মৰম অনুগত্যৰ কাহিনীয়ে সকলোৰে হৃদয় স্পৰ্শ কৰি গৈছে৷ বৰফৰ নদীত ডুব গৈ মৃত্যু হোৱাৰ পাছত গৃহস্থৰ আপেক্ষাত কেইবাদিনো ধৰি নদীৰ পাৰত অকলে অপেক্ষা কৰি থাকিল৷
ঘটনাক্ৰম অনুসৰি ৫৯ বছৰীয়া মালিক গৰাকী ২৩ ফুট গভীৰ বৰফৰ নদীত পৰি মৃত্যুক আঁকোৱালি লোৱাৰ পাছত। প্ৰিয়জন উভতি অহাৰ আশাত বাৰে বাৰে ৰাছিয়াৰ উফা নদীৰ সেই ঘটনাস্থলীত গৈ ৰৈ থাকে৷
যি সময়ত মানুহে মানুহৰ মৰম আদৰ, দুখ,কষ্ট বুজি নেপাই৷ নিজৰ স্বাৰ্থসিদ্ধি কৰিবলৈ নিকৃষ্টতম পৰ্যায়লৈ নামিবলৈ কুণ্ঠাবোধ নকৰে৷ বেলকাৰ এই কহিনীয়ে কৈ গ’ল মনুহতকৈ পশুৱে মানুহতকৈ বেছি মৰম বুজি পায়৷
উল্লেখযোগ্য যে ১৯৬০ চনত স্পুটনিক-৫ মহাকাশযানত কক্ষপথলৈ যাত্ৰা কৰা ছোভিয়েট মহাকাশ অভিযানটোত অংশ গ্ৰহণ কৰা কুকুৰৰ ভিতৰত বেলকাও আছিল।
বেলকাৰ গৃহস্থৰ প্ৰতি থকা মৰমে সকলোৰে দৃষ্টি আকৰ্ষণ কৰিছে৷ ৰাছিয়াত এতিয়া আৱেগৰ বন্যা বোৱাইছে এই মৰম আকলুৱা কুকুৰটোৱে৷ জীৱকুলৰ এনে বিচিত্ৰ গাথাই ক’লা আন্ধাৰতো পোহৰৰ বাত দেখুৱাই, সাৰথি হৈ ৰয় উৰেতু জীৱনৰ বাবে৷
প্ৰসংগক্ৰমে, নেদাৰলেণ্ড হৈছে বিশ্বৰ প্ৰথমখন দেশ য’ত গৃহহীন কুকুৰ বাবে চৰকাৰীভাৱে পদক্ষেপ গ্ৰহণ কৰিছিল৷ অষ্ট্ৰিয়া, ছুইজাৰলেণ্ড, কেনিয়া, ভাৰত, আৰু তাঞ্জানিয়া আদি দেশ সমূহেও পশু কল্যাণৰ বাবে কাম কৰি আহিছে
Continue Reading
