এক সিদ্ধান্তই ভয়ংকৰ ৰূপ ল’লে ফুটবল মেচত ; অনুৰাগীৰ মাজৰ সংঘৰ্ষত শতাধিক লোকৰ মৃত্যু

দেওবাৰে গিনিৰ দ্বিতীয় বৃহত্তম চহৰ এন’ডজাৰেক’ৰত ফুটবল প্ৰতিযোগিতাৰ সময়ত অনুৰাগীৰ মাজত সংঘৰ্ষ হয় ৷ এই সংঘৰ্ষত কেইবা ডজন লোকৰ মৃত্যু হয়। সংবাদ মাধ্যমত এজন চিকিৎসকেকয় যে, ‘চকুৰে মণিব নোৱাৰা পৰ্যন্ত চিকিৎসালয়খনত শাৰী শাৰীকৈ পৰি থকা মৃতদেহ আছে। প্ৰায় ১০০ জন লোকৰ মৃত্যু হৈছে।’

খেলখনৰ মাজভাগত ৰেফাৰীয়ে লোৱা এটা সিদ্ধান্তই বিতৰ্কৰ সৃষ্টি কৰে । এটা দলৰ অনুৰাগীসকলে এই সিদ্ধান্তৰ প্ৰতিবাদ কৰিবলৈ খেলপথাৰলৈ আহে । সেয়া দেখি আনটো দলৰ অনুৰাগীসকলেও আগবাঢ়ি আহে তেওঁলোকক বাধা দিয়ে । এনে পৰিস্থিতিত দুয়োটা দলৰে অনুৰাগীৰ মাজত তীব্ৰ সংঘৰ্ষৰ সৃষ্টি হয় ।

এজন প্ৰত্যক্ষদৰ্শীয়ে কয়, ‘মেচ ৰেফাৰীৰ বিতৰ্কিত সিদ্ধান্তৰ পৰাই হিংসা আৰম্ভ হৈছিল। ইয়াৰ পিছত অনুৰাগীয়ে খেলপথাৰখন আক্ৰমণ কৰে। স্থানীয় সংবাদ মাধ্যমে জনোৱা মতে, এই খেলখন গিনিৰ জন্টা নেতা মামাদি ডুমবাউয়াৰ সন্মানত আয়োজন কৰা প্ৰতিযোগিতাৰ অংশ। ২০২১ চনৰ অভ্যুত্থানত ডাউমবুয়াই ক্ষমতা দখল কৰি নিজকে ৰাষ্ট্ৰপতি হিচাপে প্ৰতিষ্ঠা কৰে। পশ্চিম আফ্ৰিকাৰ দেশখনত এনেধৰণৰ প্ৰতিযোগিতা সাধাৰণ হৈ পৰিছে। অহা বছৰৰ ৰাষ্ট্ৰপতি নিৰ্বাচনত সম্ভাৱনাময়ভাৱে প্ৰতিদ্বন্দ্বিতা কৰি ৰাজনৈতিক মিত্ৰতা গঠনৰ প্ৰতি লক্ষ্য ৰাখিছে ডাউমবুয়াই।

২০২১ চনৰ ছেপ্টেম্বৰ মাহত ডাউমবুয়াই ৰাষ্ট্ৰপতি আলফা কণ্ডেক পদচ্যুত কৰি বলপূৰ্বকভাৱে ক্ষমতা দখল কৰে। আশ্চৰ্যজনক বিষয় যে আলফাই নিজেই ডাউমবুয়াক কৰ্ণেলৰ পদত ৰাখিছিল যাতে তেওঁ ৰাষ্ট্ৰ আৰু তেওঁলোকক এনে অভ্যুত্থানৰ পৰা ৰক্ষা কৰিবলৈ কাম কৰিব। ইয়াৰ পিছত আন্তঃৰাষ্ট্ৰীয় হেঁচাত ডাউমবুয়াই ২০২৪ চনৰ শেষৰ ফালে ক্ষমতা পুনৰ অসামৰিক চৰকাৰক গতাই দিয়াৰ প্ৰতিশ্ৰুতি দিছিল যদিও এতিয়া তেওঁ স্পষ্ট কৰি দিছে যে তেওঁ তেনে নকৰে।

জানুৱাৰী মাহত সামৰিক নেতাগৰাকীয়ে অস্বাভাৱিকভাৱে নিজকে লেফটেনেণ্ট জেনেৰেল পদবীলৈ উন্নীত কৰিছিল আৰু যোৱা মাহত তেওঁ নিজকে আৰ্মী জেনেৰেল পদবীলৈ উন্নীত কৰিছিল। শেহতীয়াকৈ ডাউমবুয়াই কেইবাজনো বিৰোধী নেতাক আটক কৰি আদালতত বিচাৰ কৰি বা নিৰ্বাসন কৰিবলৈ বাধ্য কৰাইছে। ইয়াৰ পিছতো শেহতীয়াকৈ ডাউমবুয়াইৰ সমৰ্থকসকলে পৰৱৰ্তী ৰাষ্ট্ৰপতি নিৰ্বাচনত তেওঁৰ প্ৰাৰ্থীত্বৰ প্ৰতি সমৰ্থন প্ৰকাশ কৰিছে। যথেষ্ট প্ৰাকৃতিক সম্পদ থকাৰ পিছতো গিনি এতিয়াও দুখীয়া ৰাষ্ট্ৰ হৈয়ে আছে। দশক দশক ধৰি তাত স্বৈৰাচাৰী চৰকাৰে শাসন কৰি আহিছে। ২০২০ চনৰ পৰা পশ্চিম আফ্ৰিকাত ক্ষমতা দখল কৰা কেইবাজনো বিষয়াৰ ভিতৰত ডুমবুয়া অন্যতম, লগতে মালি, বুৰ্কিনা ফাছ’ আৰু নাইজাৰৰ সহযোগী সামৰিক নেতাসকলো আছে। এই সংঘাত সংঘটিত হোৱা গিনিৰ দক্ষিণ-পূব অঞ্চলৰ এন জেৰেক’ৰত প্ৰায় ২ লাখ লোকৰ জনসংখ্যা।